[校園][純愛]《幸運星下的預言》: 第一百零六章
過完聖誕好快就下一年

距離A-Level得返三個月

本身諗住同佢傾除夕去邊度

點知準備講嗰陣

佢主動同我講唔好意思

原來嗰幾日要離開香港

筱瑜:「唔好意思呀

破例一次應承我

聽完之後唔好嬲

我:「咪住先你想講咩呀

我淨係知你講乜都唔會嬲你囉

點捨得呀

筱瑜:「每年除夕呢屋企人都會去旅行

所以今年陪唔到你過除夕呀

我:「係咁咋話

以為你講咩添

筱瑜:「下

你唔嬲咩

我:「有咩好嬲

跟住即刻錫我一啖

筱瑜:「真係唔嬲

唔緊要喎有咩就講出嚟呀

我都知係自己問題

咁大日子竟然唔可以喺你隔離

我:「痴線有咩好嬲

除咗我之外你都有屋企人架嘛

何況你話年年都係咁

去旅行又好玩

冇野喎

好多人話講冇野即係有野

不過喺嗰陣,
我真係覺得冇野

唔係為咗氹佢

佢真係傻以為我會因為咁嬲佢

筱瑜:「呀

點解我男朋友咁大方嘅

我:「不嬲都咁大方

不過嗰日我唔會送機喇

唔知你屋企點諗亦都費事自己唔捨得

一日不見如隔三秋

打電話啦

筱瑜:「好呀

呢幾日要見多啲

補返數呀

我:「依家都唔夠多咩

筱瑜:「唔理你呀

總之要見多啲

破例再應承多一次

我:「冇計啦

女朋友叫到乜撚都得啦

筱瑜:「好快返啫

開學前一日就會返嚟

我都係咁提住自己

我:「係喎手信呢

筱瑜:「唔會待薄你嘅

要啲咩呀

我:「你覺得靚咪買囉

你買乜我都要

筱瑜:「唔鍾意唔准當面講呀

喺背後講我當聽唔到

我:「我預知我自己一定好鍾意囉

你買喎

筱瑜:「哈哈咁就好喇

幾日其實好快過啫

當然啦,
喺佢心目中除夕係一個好重要嘅日子

佢因為咁所以覺得陪唔到我就要講對唔住

不過自己對除夕真係冇特別重量

正是如此,
所以我咁豁達

同埋嗰陣喺度諗

往後大把機會,
使唔使擔心一年半年呢,
今年唔得咪下年

只係時間嘅問題

嗯,
以前嘅自己果然係樂觀派

唔好講咁多喇講返嗰陣先

佢如期返到香港

筱瑜:「返到喇

我:「好唔好玩先

筱瑜:「好就好嘅不過唔夠完整囉

我:「點解

筱瑜:「隔離少咗個傻仔呀

我:「下

係邊個傻仔呀

筱瑜:「唔知呢

你睇下知唔知邊個

我:「唔知喎

點似你呀識咁多人

筱瑜:「繼續扮野唔好認

不過你唔好話我真係買咗野俾你

我:「咩嚟

係唔係食得

筱瑜:「er

好肚餓你可以試下嘅

不過我唔會囉

咁得意

我:「得意

乜撚嚟架

筱瑜:「聽日你咪知囉

俾啲時間你估下

我:「有咩係得意呀

最得意咪你囉

筱瑜:「痴線

我:「暗爽喇暗爽喇

筱瑜:「冇囉都唔知你講乜

我:「你點止最得意呀

又靚女又叻又善解人意

乜撚都係最好

筱瑜:「乜都係最好都得啫

你講嗰個字我都冇

我:「口快快講錯

筱瑜:「記住呀當面唔准話唔鍾意呀

我:「俾啲甜頭先啦

筱瑜:「咩甜頭

我:「goodbye kiss

筱瑜:「喺電話都要

我:「你可以即刻出嚟嘅

筱瑜:「麻煩

跟住就聽到啜一聲,
既輕且柔

唔使講都知,
呢個甜頭真係好甜。