[校園][純愛]《幸運星下的預言》: 第一百零一章

既然有紀念日

禮物嗰方面就唔少得啦

不過今次真係有啲難度

事關我揀禮物係好差

早幾年邊有呢啲習慣



大家男人老狗出嚟鳩下鳩下咁就當慶祝架啦

女朋友就冇辦法啦

如果連禮物都唔送

佢真係以為你完全唔重視兩個之間嘅野

要知道，



你打從心底唔係咁樣諗係冇用

只要佢覺得你係咁諗，

就已經可以打定輸數

我成日都覺得一段關係入面，

男同女都有佢自己嘅責任



呢句聽落去好似好廢

不過又幾多人做到

講緊長期喎

當然啦我地都係半年談不上拍咗好耐拖

之不過，

如果連依家都擔當唔到自己嘅責任

時間耐咗會點呢

我最唔想就係當咗佢喺我隔離係正常不過嘅事



一有呢個諗法好難再珍惜

大家貼地啲，

你覺得佢係應份喺你隔離

呢個態度同當初追求佢嗰陣

又係咪一樣先

創業難守業更難，

我不嬲都覺得呢句野好適合喺情場入面



唔同意就鬧細聲啲

亦都係因為咁

我盡量都提自己，

女朋友，朋友，甚至親人都好啦

喺你隔離出現全部都唔係理所當然

所以呢個紀念日，

揀禮物又點可以馬虎呢。




我記得嗰陣真係有認真去諗

究竟應該買咩禮物先好

一件衫我又覺得行咗啲

唔係呃你呀我真係諗過買戒指

最後都係卻步

唔係純粹錢嘅問題

講真我呢啲窮撚唔係話真係講買幾多卡多啲

都係千零蚊嗰種啫，



因為不嬲都唔係點用錢

所以出呢個錢去買野都唔係一個負擔

唔係成日買丫嘛哈哈

但係諗諗下拍咗半年拖咁快送到戒指好似操之過急

我驚嚇窒咗佢

同埋唔知其他人點諗呢

唔通買完返嚟唔戴咩

戴咗就好覺眼

我到依家都唔知佢屋企人點諗

講開又講我自己都冇同屋企人講

諗咗好耐，

暫時嚟講戒指應該唔係一個好嘅選擇

突然間諗到係喎不如頸鏈

起碼唔會咁搶眼先

同埋佢著校服條領個位都遮到

遮唔到都唔緊要

我又冇聽過學校唔俾帶鏈，

真係靈機一觸諗出嚟

於是第二日我就出去買

睇咗幾間終於見到有條幾靚

銀白色吊墜頸鏈

下面係心形，

跟住嗰條友問我係咪送俾女朋友

我話係呀

跟住就問我不如加錢刻字

佢講得好好聽呀

Sales:「送俾女朋友梗係要有啲誠意啦

最好就送一條獨一無二嘅頸鏈俾佢

刻字就可以做到呢個效果

先生你女朋友一定好鍾意」

我屌擺明昆我落疊

如果我今日係陪朋友出嚟買呢，

我就叫佢一定唔好制

擺明見你後生仔冇乜經驗呃你水

不過咁，

原來發生喺自己身上真係有第二個睇法

你當我戇鳩鳩甘願俾人呃啦

我真係覺得有咗字之後

呢條頸鏈喺呢個世界上就唔會再有第二條

貴就貴啲啦

起碼俾佢見到心思先

以我對佢嘅了解，

佢留意到呢啲心思野嗰陣

應該會再開心啲嘅

不嬲我都係咁講

用多啲錢又點會係問題丫，

最多返到去捱麵包囉

佢鍾意就得啦

於是我就喺個吊咀上面刻咗六個英文字同埋一個符號

我同佢嘅英文全名簡寫

中間再加一個&

明做水魚架喇

唔做都做咗，

依家淨係想佢好似我預期咁樣

會好鍾意呢條鏈

係咁嘅話，

我做多幾次水魚又有咩所謂呢。