[校園][純愛]《幸運星下的預言》: 第一百零二章

一講到平安夜，

大家肯定諗邪野

我又講多次，

當時對住佢真係完全冇諗過性嘅方面

由第一日開始已經係咁嘅態度



預咗俾你地話我戇鳩有女都唔食

係囉我都唔明

點解有女都唔食

亦都係因為咁，

所以我同佢嘅平安夜其實真係好平安



喺放聖誕假之前嘅最後一日

我同佢照例行返屋企

我:「平安夜去邊度玩」

筱瑜:「你有咩意見先」

我:「嚟嚟去去都係嗰啲架啦



迪士尼同埋海洋公園」

筱瑜:「一定好多人喎」

我:「唔想去呀

冇所謂呀我都唔係好恨玩」

筱瑜:「有人唔鍾意排隊丫嘛

反正嗰日一定多人

既然係咁梗係唔好入去玩」

我:「真係抵錫嘅啫」



筱瑜:「又俾你搵到藉口錫

狡猾」

我:「唔係喎我光明正大錫你」

筱瑜:「咁都叫光明正大」

我:「講真喎真係唔入去玩

好快就A-Level到時想玩都唔得

可能要等半年喎」



筱瑜:「多人你唔鍾意丫嘛

又唔係真係好想好想玩

半年好快啫

考完試去玩重爽啦」

我:「唔緊要喎都係多人一次啫」

筱瑜:「真係冇所謂呀

佢又唔會無啦啦執咗嘅

好快啫」



我:「好

不過嗰日一定要出嚟」

你唔出嚟我點樣送條鏈俾你

呢句我冇講出口

要俾驚喜丫嘛

筱瑜:「出嚟行下食下野囉」

我:「好我當你應承咗先」



筱瑜:「唔應承你重可以應承邊個」

我:「咁又係嘅

同你一齊去邊度都唔係重點」

筱瑜:「好甜呀」

我:「今次交唔交到戲先」

筱瑜:「ok啦」

我:「明明就好鍾意聽

喺度扮冇野」

筱瑜:「都唔知你講乜」

咁就簡單得多，

一於慢慢諗下當日嘅部署先。


嗰日最緊要嘅任務

唔使講，

一定係將條鏈送俾佢

玩呀食呀嗰啲都係其次

你知啦

當街當巷無啦啦咁樣做

唔好呀依家，

去返嗰個年代

都真係驚俾人擺上網

就算唔驚，

我呢啲毒撚喺咁多人面前

都唔敢做呢啲野

所以一定要揀一個唔多人嘅場合去送

於是我就覺得

送佢返屋企嗰陣應該係最好嘅時機

得兩個人喺度咁就易辦事得多啦

同埋佢好鍾意食藍莓芝士蛋糕

嗰日都會買一個擺喺屋企

當我同佢出完街

返到嚟之後，

我就率先上去拎條鏈同埋個蛋糕落嚟

我隨身帶住條鏈

先唔好講會唔會論論盡盡搞到唔見咗

我淨係講點樣袋住佢都已經答你唔到

因為平時我係絕少帶袋出街

筱瑜亦都好清楚呢點

無啦啦帶袋佢肯定知道有蠱惑

如果唔買藍莓芝士蛋糕

我又諗唔到一個原因去解釋點解我要返上去拎野

我完全唔理佢講直接返上去都得

咁佢都有可能估到我有啲野想送俾佢啦

反而我一早直接講今晚有藍莓芝士蛋糕

佢都係預期我拎呢樣落嚟啫

到時見到條鏈驚喜就更加大

做咁多無聊野，

目的都係為咗咁樣

你當我講廢話都好，

真係希望嗰日一切順順利利

咁就可以。