[校園][純愛]《幸運星下的預言》: 第七十一章

好快就去到我地要去嘅地方

呢個時候，

我做一樣我之前未做過嘅野

就係拉開個位等佢坐

原來一個毒撚暗戀緊某個女仔嘅時候



真係會好自然做一啲對佢好嘅行為

難又好易都好，

覺得係好就會去做

自動自覺唔需要人提

咁耐以嚟一次都冇做過



今日係第一次

唔知係咪咁啦所以嚇親筱瑜

筱瑜:「唔該

你係咪有陰謀」

我:「做咩呀」



筱瑜:「我都覺得你近幾日有啲古怪

結合頭先你竟然拉位俾我坐

我更加肯定冇估錯」

我:「做咩呀

好心你唔好諗咁多

乜有原因先要對你好嘅咩」

筱瑜:「係咪有野搵我幫手呀

定係做錯野想補鑊」



我:「痴線我會做錯乜野」

筱瑜:「點知你呀你知你幾無聊

種種跡象都顯示你有求於我

講啦有咩要我幫手呀

幫到我盡量幫喇」

我:「你可唔可以唔好諗得咁功利

同一個人見人愛嘅靚女食野，



咁你都知我不嬲都係一位君子

咁樣做好正常啫」

筱瑜:「你呀

真係好古怪」

我:「點解咁講」

筱瑜:「女仔直覺

你唔係唔信嘛」

我:「有啲咩咁古怪



對你好係應份」

筱瑜:「唔識你真係會俾你氹到

係咪成日出去氹女仔」

我:「你真係大錯特錯

個個我都撩，

咁你咪冇價值」

筱瑜:「痴線都唔知你講乜



叫野食啦」

跟住見佢一路望餐牌一路喺度笑

我真係覺得佢呢個表情係最靚

不過唔係成日見到

因為佢都唔係成日笑

不過喺呢刻，

笑得好自然好真心

當然啦可能係佢擺個樣出嚟呃我

你知啦男人其實好易呃同埋好易氹

不過話說回頭，

頭先我咁樣做係咪進取過頭呢

調返轉諗都係嘅

平時都唔會做嘅野，

依家無啦啦自動自覺做


正常人都會有所懷疑

如果換轉係我都會咁樣諗

似乎太主動都唔係一件好事

因為真係會引起懷疑

我都講過唔止一次，

喺未了解佢點樣諗之前，

我一定會按兵不動

繼續用把死人口撩佢算數。


食野嘅時候最好傾乜

你問我嘅話，

咁就梗係講是非啦

我自己一向都鍾意啫

因為唔驚冇野講哈哈

一定有話題

當然啦依家返工就梗係唔會啦

週街都係笑裡藏刀

你當人真心人地當你老襯

咪鳩噏下算數囉

唔同以前對住筱瑜或者其他中學朋友嘅時候

唔講真係唔舒服

筱瑜佢就唔講人是非嘅

不過會聽我講乜啫

我:「主席條撚樣

溝女真係溝到出面」

筱瑜:「唔抵得呀」

我:「你都痴線

我唔係話副主席唔靚女，

我都覺得佢好好人

不過唔係因為咁就唔抵得架嘛」

筱瑜:「好多男仔鍾意副主席架

聽映彤佢講除咗主席之外重有幾個」

我:「佢咁多裙下之臣嘅咩」

筱瑜:「係呀

佢有同我地講過其實咁樣唔係一件好事」

我:「係咪曬命扮野咋」

筱瑜:「咁樣話副主席架

我諗唔係掛」

我:「咁應該唔係嘅我講下啫

不過真係估唔到佢咁有市場」

筱瑜:「估唔到

何出此言師傅」

我:「屌你扮得咁似

即係我唔係話佢唔好，

佢都唔需要我去評論好唔好

我覺得都係ok啦」

筱瑜:「ok啦重唔加入戰團

我全力支持你

你知啦我同佢都算熟

有我去幫你

你要取得芳心會比其他人容易

我可以幫你拎第一手資訊喎，

識做啦」

我:「ok咁就要加入戰團

話佢好人啫唔代表鍾意佢喎」

筱瑜:「你講到咁以為你要同主席爭添」

我:「係咪放鬆一口氣好開心呢」

筱瑜:「下

又關我事」

我:「唔好扮野喇

睇死你依家喺一定喺度yeah yeah yeah」

筱瑜:「讀心你都識呀」

我:「其他人我就唔識

淨係識讀你嗰個」

筱瑜:「痴線佬呀

咁我依家諗緊咩」

我:「爽」

筱瑜:「痴線

食野啦」

我:「頭先又話你一啖我一啖

咁快冇咗件事」

筱瑜:「你講囉我邊有講呀」

我:「重諗住可以添」

筱瑜:「你病咗嗰日我會咁做嘅

你都知我幾好人」

我:「咁我依家即刻除衫跑返屋企

一定會凍病」

筱瑜:「我睇表演呀

嚟丫嚟丫」

我:「以為你話唔好啦咁樣真係會病

好啦我依家餵你啦咁樣添」

筱瑜:「其實點解你咁好幻想力

可以講得咁有畫面

雖然唔啱不過欣賞你嘅創意力」

我:「點會估錯架」


我:「其他人我就唔識，

淨係識讀你嗰個。」

談何容易。