[校園][純愛]《幸運星下的預言》: 第十四章

從回憶之中抽離返出嚟，

去返現實世界

點解就梗係要問下老母啦

老母:「陣間先執啦出嚟食飯喇」

我心諗呀親愛的媽媽



又係頭先你叫我執野嘅

執執下又叫我食飯唔好執住

ok唔緊要一陣再搞過

出到嚟食飯嗰陣，

老母:「搞掂未呀」



我:「七七八八喇做咩呀」

老母:「幾驚你話冇執掛住打機」

我:「你都傻嘅我使呃你咩

我一路唔執你咪一路喺度煩」

老母:「知你就好啦



你估你老母我想煩你咩」

我:「得喇總之依家搞掂喇」

老母:「之後使唔使叫埋呀澤仔上嚟幫你搬呀」

我:「我有叫佢呀佢都話得

我以為佢條撚樣會收我錢好彩冇」

老母:「唔好咁口賤啦開口埋口話人地」

我:「講慣咗講慣咗」

老母:「到時順便請佢上嚟食飯



當係慰勞呀人地放假都幫你」

我:「唔好

我最唔鍾意就係朋友同埋屋企人一齊食飯」

老母:「肯定又唔知講埋啲咩衰野啦」

我:「係呀係呀費事嚇親你呀

總之我會請佢食飯唔使勞煩你

佢條友鍾意打邊爐架」



老母:「好啦好啦，

幫我多謝呀澤仔呀」

我:「好」

老母:「飲唔飲多碗湯呀」

我:「淨水唔要料呀

唔該」


去到夜晚就梗係打機啦



嚟嚟去去咪又係得我同埋佢

我:「真係唔該晒大佬

我老母叫我同你講多謝」

呀凙:「叫伯母唔使咁客氣

報酬好簡單啫

一餐早餐搞掂喇大佬」

我:「梗係得啦戇鳩

我俾錢你自己買喇



費事俾人見到我同你一齊食」

呀凙:「好玩呀好似偷情咁樣」

我:「你因住你隔離嗰個真係以為你去偷食」

呀凙:「佢成日屈我係gay架啦

我都費鬼事理佢」

我:「講明先小弟性取向係正常嘅」

呀凙:「我都係呀唔好話你

呢排搵到水喎係咁請人食飯」

我:「痴線吹到係咁請

撚有咁富貴」

呀凙:「你聽晚唔係請人食飯咩」

我:「係呀你又知嘅我同你講過」

呀凙:「同你老友丫嘛」

我:「唔係我老友

老友唔好亂咁認

雖然真係識咗佢好耐」

呀凙:「你識我幾耐咪即係識咗佢幾耐囉

做乜無啦啦請人食飯呀」

我:「佢就嚟去日本呀

咪順便叫佢買手信

咁你知佢條友梗係會鑿返我一筆架啦」

呀凙:「係咪想有進一步發展呀」

我:「你都傻嘅

真係想同佢發展一早發咗啦使等到依家」

呀凙:「點知你呀

不過佢好似唔係單身喎係咪呀」

我:「你喺ig見到佢條仔架啦」

呀凙:「佢條仔又會肯放你老友出嚟嘅」

我:「佢知我係邊個丫嘛

我有冇同你講過，

佢溝嗰陣有問過我點樣入手」

呀凙:「又好似係喎屌」

我:「諗住叫佢幫我買鹹片

仆佢個街話唔肯買」

呀凙:「好撚戇鳩呀

真架」

我:「呃你有金執咩

跟住我叫佢求其買啲野食返嚟

以免佢會買啲伏野俾我，

所以聽日決定收賣咗佢先

係喎其實你想唔想嚟

大家同一間中學一定有計傾」

呀凙:「我就唔阻住你發達嘅

點會咁唔識趣呢」

我:「由你把口講出嚟真係特別衰

講到真係去偷食咁樣」

呀凙:「我冇講過呀你自己諗咋」

我:「屌唔好講喇，

打機打機打機

玩幾鋪聽朝又返工。」

呀凙:「係喎」