[校園][純愛]《幸運星下的預言》: 第十章

唔係講笑，

我真係好難想像筱瑜唔cool個樣

邊有可能呀出晒名係冰美人

呢個朵唔係我鳩吹

我真係聽過有男仔咁樣講



司徒竟然話佢以前唔係咁

就聽下佢講咩先

司徒:「其實筱瑜以前係一個好開朗好樂觀嘅女仔」

我:「我話你知

唔係你講我真係唔信」



司徒:「屌我未講完等我一陣先」

我:「係繼續繼續」

司徒:「你知啦細個嗰陣每逢有親戚聚會

肯定係大人同大人玩細路仔同細路仔玩架啦

大嗰啲就打麻雀，



我地細個啲玩嚟玩去都係玩幾樣啫

啤牌呀飛行棋呀大富翁呀咁樣

嗰陣我冇記錯有四五個，

有我同埋筱瑜啦

有個係筱瑜家姐，

大佢幾年左右」

我:「靚唔靚架」

司徒:「我就覺得筱瑜靚啲



不過大表姐(筱瑜家姐)佢唔係喺度讀」

我:「好

繼續」

司徒:「筱瑜以前好得人鍾意

因為聽聞屋企人教到佢好有禮貌，有規有矩

好多細路仔入到嚟都係搗亂同埋好嘈

佢就唔係



玩嗰陣玩到幾開心都好，

知道要靜嗰陣就一定靜

成日笑呀有問必答

你幫佢做完野佢次次都會講唔該

你諗下嗰陣得幾歲咋喎

好多長輩好撚鍾意佢」

我:「咁佢依家都好有禮貌

只係唔笑咁啫」



司徒:「佢以前笑得好甜架

真係唔係鳩吹

依家咪好似機械式微笑咁嘅」

我:「係呀係呀你又知嘅」

司徒:「屌你啦我識佢幾耐呀

近幾年我地食飯有長輩問佢讀成點呀乜乜柒柒

佢都係笑住答不過見到好公式化囉



一傾完就即刻收返個笑容

係咪見佢眼神好空洞丫」

我:「真係犀利咁你都知」

司徒:「講咗真係親戚你又唔信」

我:「有人問佢野佢都會微笑

不過好明顯係應酬嗰種囉

咁究竟係咩事啫」


司徒:「佢老豆即係我姨丈呀，

有一日因為突發性心臟病走咗

嗰陣我地讀緊小學六年班，

呢個就肯定係唔會記錯

嗰朝我成家知道消息即刻去醫院啦

一去到就見到佢兩姊妹崩潰，

大表姐都好啲重可以正常對答

筱瑜匿埋一角坐喺度係咁喊

你諗下隔咁多年我都重記得係點樣

就知幾深刻，

聽聞筱瑜同佢爸爸關係好好

佢老豆好錫佢兩姊妹，

冇人估到你四十幾歲就咁樣走」

我:「筱瑜就係因為咁樣之後變咗第二個人」

司徒:「係呀，

跟住就變得好靜

學你話齋，

你唔撩佢佢真係可以唔同你傾計

如果你撩佢佢唔會鬧你嘅

佢由細到大都冇乜脾氣，

不過你會feel到佢hea緊你囉」

我:「你同佢依家friend唔friend架」

司徒:「以前唔錯架成日玩

依家當然唔會啦不過見到面都會打招呼」

我:「即係話佢老豆走咗所以就變到今時今日咁」

司徒:「我冇同老豆老母傾過不過我覺得係

靜到有啲得人驚

近幾年都好返啲啱啱走咗頭一兩年真係好驚」

我:「原來發生過咁嘅事

唔出奇嘅成長期遇到至親突如其來嘅離開，

成個人崩潰變晒唔係奇怪事」

司徒:「不過佢係你partner你應該好開心先啱

佢好鬼醒

好多野睇得好透，

同埋從來唔會怨多野做

總之你叫佢做佢一定做到俾你重要係好嗰隻」

我:「屌你咁你都知」

司徒:「你咁講即係你知」

我:「我唔記得咩喇

總之有次我地喺度傾緊有咩方案嘅時候，

佢有friend問佢點睇呀

跟住佢即刻講咗一樣在場冇一個人講到嘅野

之後成班就茅塞頓開，

跟住我就覺得呢個女仔好撚醒」

司徒:「佢真係好醒

細細個已經咁覺得不過冇同佢講啫

驚佢認屎認屁笑返我轉頭

我呀媽都話佢好聰明」

我:「好撚戇鳩呀」

司徒:「你細個唔係嘅」

我:「唔記得咗啦屌」

聽完之後，

估唔到原來佢有段咁嘅經歷

所以話每一個人都會有一段旁人睇唔到嘅故事，

佢同好多人一樣，

都係選擇隱藏

真心好佩服佢

咁細個遇到至親離別，

可以一直捱落去，

就當佢唔係真係捱到，

只係唔想人擔心所以先扮冇野咁都好啦，

的而且確真係唔容易

或者，

依家冷漠嘅原因，

就係因為曾經太感性。