[校園][純愛]《幸運星下的預言》: 第九章
唔知各位重記唔記得啦

我同司徒,
即係離開咗我嗰間學校去咗第二度讀嗰個friend呢

每逢禮拜六都會約出嚟

第一章有講過不過驚各位唔記得所以喺度再提多次

講起上嚟我又有啲廢話可以講

我成日都覺得聯繫朋友其實唔係真係咁難

在於你有冇心去維繫啫,
如果冇嘅話

住隔離都可以唔聯絡

大家都有意思嘅話,
距離唔係重點

至少喺我眼中係咁樣睇

當然啦,
如果對方一再推搪,
咁就傻都知咩事啦

去到呢個階段就無謂勉強喇

人要面樹要皮

你冇咗佢又唔係生存唔到,
對方都間接俾提示你

何必重要夾硬去維繫呢

對大家都唔係好事

唔知司徒有冇咁樣諗啦,
不過每逢禮拜六都真係會出嚟

變咗例行公事咁樣

咁起碼安心啲,
同埋出到嚟依然係有排講嗰種

傾計個氣氛同以前相若

其實咁就已經好滿意

我知你地會問,
中學生涯點會keep唔到friend呀

特別係男仔,
一齊打機咪得囉

哈哈咁就真係唔好意思喇

事關司徒呢條友係完全唔打機嘅

用電腦淨係上網同埋睇鹹片嘅啫

原本真係唔信

係識咗咁多年,
一路喺佢隔離先知佢係冇吹水

就係咁大家先決定要keep住見,
等我今個禮拜問下佢

究竟筱瑜係佢表妹定係表姐先

順便問埋司徒,
筱瑜係咪由細細個開始就已經係咁coo

咁嘅關係冇理由唔知啩。
好快就去到星期六,
司徒條撚樣話要去旺角買唔知乜野

咁我話冇所謂啦反正都係吹下水啫

叫佢話事啦咁樣,
司徒:「你地而家點呀

開咗學有冇咩唔同咗

我:「咪又係咁

係叫做今年做學生會囉

司徒:「你做學生會就死得

一定整好多陰濕野

我:「你都痴線嘅

我咁好人點會咁做

司徒:「點解無啦啦會入去玩

我:「話說呀邊個邊個做主席

跟住佢問我有冇性趣喎

我講到明話我hea

重要乜都唔識

佢竟然都話冇問題

同埋佢話好撚多女

咁就水咗我入去

司徒:「咁係咪好多女先

條撚樣有冇吹水

我:「你又唔好話喎

佢真係冇吹水

司徒:「有映彤呀

我:「你又知嘅

司徒:「你條友梗係見人地玩先一齊入去啦屌

我:「講真原本真係唔知

司徒:「信唔信你呀

我:「呃你托咩

係入到去先知佢都喺度

司徒:「你兩個係咪同一個位

我:「梗係唔係啦

呀水都知佢同Felix同一個位

司徒:「重未散咩佢兩個

我:「你真係仆街

第一句就問人地重未散咩

好似唔散先至係好出奇咁樣

司徒:「你夠膽講你冇諗過

我:「依家真係冇

順其自然咪算囉,
勉強都冇乜用

司徒:「犀利喎竟然咁灑脫

我:「屌

唔通日日喺度叫春好咩

我做唔出呀

司徒:「係囉咁樣真係好撚煩

我:「冇得唔灑脫

司徒:「咁你依家個位係一個人做定係有partner

我:「我都有啲野想問你

正正係關於呢樣

司徒:「問乜

我:「我個partner咪你老友囉

司徒:「邊撚個我老友

我:「筱瑜呀

我唔記得咗佢係你表妹定係表姐

司徒:「佢係我呀媽個家姐個女

大我一兩個月係我表姐丫嘛

好似好耐之前有同你講過

我:「唔記得丫嘛屌

大我一兩個月咪3,4月

司徒:「係呀

4月5號生日囉

做咩無啦啦咁問

莫非你睇中咗

我:「痴線梗係唔係啦

我同佢話就話係同一個位不過冇野講嘅

佢條友cool到不得了

你唔主動同佢傾計佢真係可以唔同你講野

唔係冇禮貌,
而係個人真係好靜

司徒:「其實呢

佢以前唔係咁架

我:「下

你講真定講笑呀

司徒:「學你話齋

呃你托咩

我:「有啲難以置信喎

司徒:「其實

都係關於某件事

我:「你講到咁撚誇張嘅

咁你就快啲講啦
