我要係20歲之前，將女神變做女朋友: 第七節:默言

我同女神見嘅日子只有星期二同三，每個星期我都非常之期待依兩日。

由於我地上星期已經分左組嘅關係，大家返到課室都跟返自己組坐埋係同一行。

我地組亦都唔例外，我照舊坐返係角落位，而我嘅女神亦都係上堂前五分鐘都未返到嚟嘅。

但係佢依一遲令到我滿心歡喜，因為我嗰行得返我隨離嗰位係無人坐，意味住除左佢唔返學之外，佢今日就係坐我隔離~

果然不出我所料，老師講左幾句野之後佢又咁岩開門入嚟，同上次一樣陳老師望左佢一眼之後就算。





因為得返我隔離有位，佢迫於無奈坐低左，我仲見到佢個樣唔太想坐我隔離咁樣…

而我嘅內心緊係無比嘅興奮，但係見到佢依個唔願意嘅樣，搞到我都有啲尷尬同失望。

對比起佢同我交換手機嗰時有一啲落差，我諗會唔會係佢唔鐘意我，上個禮拜只係咁岩講幾句。

我地成程靜局左差唔多成堂，佢有佢玩手機我有我訓覺，我有幾次都想主動同佢講野，但又唔知開咩話題好…

當我產生左放棄嘅念頭嘅時候，我求其開左隻手機game諗住玩到落堂，佢突然開口同我講左句野……