我要係20歲之前，將女神變做女朋友: 第六節:密友

我同女神一齊上堂嘅時間只有兩日，其餘三日有一日dayoff有兩日就唔同學校上堂，所以我地見嘅機會已經算少。

我又唔想wts佢始終岩岩識左無幾耐，無啦啦wts人好似好狗公咁，加上我平時都唔夠膽同佢講多幾句野令到我更加唔敢wts佢。

好快就到左星期六，我照約左時間到左目的地，今日係我地三個中學畢業之後第一次約出嚟見面，我地約左係coffee shop見面。

我到左門口已經見到佢兩個係裡面有講有笑，睇嚟佢地一早夾埋早到。

"喂冬爺乜你咁遲呀，我地兩個傾完準備走啦。"





"頂你咩，好似係你地兩個早到渣喎!"

"你地兩個咁耐無見都仲係咁鐘意鬥嘴~"

我坐低之後大家各自分享下自己嘅近況，我地三個都有啲掛住中學嘅時光。

時間過得好快，不知不覺我地已經傾左過半鐘，阿琦因為晏啲有野做所以我地就散左。

我地阿聰搭車嘅地方都一樣所以多左少少時間一齊傾多幾句。





"你估我地之後仲有無時間約出嚟聚下吹水下呢?"

一諗到之後有無數嘅assignment我就開始有啲擔心

"一定有嘅我就唔信你日日都咁忙!"

"都係嘅要見就算再忙都會抽到時間出嚟!"

我同阿聰講多左幾句之後就分開去唔同位等車。





雖然阿聰咁樣講但我都仲係擔心我地嘅友誼會有一日走遠........