為左一千蚊，成班港豬幫建制做PTGF: 3.9

「阿樂，今時唔同往日。依家我地既黨員大多係知識份子，我地好重視專業化，相信知識可以改變社會，我地正正需要你既知識。」

緊係重視專業化，就連某d建制黨員都要買個博士銜頭黎呃市民。

讀咁多書都為利益而同政權賣命，出賣港人，簡直係香港人之恥，枉讀聖賢書。

「一大批專業人士都幫你地賣命，仲使咩要我一個記者仔?」

「傳媒最能夠渲染群眾，帶動社會風向。依家社會太多毒害年青人既報章，我地需要你呢d有良心既記者。」陳永信係街站拎左幾份大共報，文會報，百份報，全部都係支持修例。





「呢d就係有良心既報章。」

「外國勢力既我地唔講，但呢份本土報章真係離哂大譜。」陳永信拎左份生果報出黎，上面寫住港人百萬一條心，同反惡法夢成真。

「一條能夠堵塞漏洞，制裁逃犯既法律竟然被描繪成惡法......我真係好痛心......」陳永信既眼眶盈滿淚水，但一滴眼淚都流唔到出黎。

「支持政府修訂條例，支持警察持平執法。」一眾成員大叫口號，但一路經過既遊行人士依然無動於衷，就好似喪屍一樣行過。

我忍唔住流眼淚......





「唔好意思，我想行先。」我冇等到佢地既回應，就加快腳步一枝箭行開左。

我唔想比人見到喊......同時我講唔出大話，講唔出喊係因為感受到祖國對香港寶寶既關懷以及呵護備至。

一諗中港關係，腦海入面全部都係廣東省賣比香港既東江水，病豬同埋孔雀魚，根本講唔到祖國照顧香港既說話。

係經濟復甦既背後，香港都令大陸得益不小。

一場對等關係竟然被渲染成皇天所賜既恩慰。