為左一千蚊，成班港豬幫建制做PTGF: 4

我拎張紙巾抹左幾滴眼淚，估唔到老總都有過檔去生果既一日。佢寧願放棄高薪厚職，都要揭露真相。

呢個男人值得我由心去佩服佢，亦成為我既動力，要做一單更好既新聞，揭露一切社會不公同黑暗。

係我前面既係一班六七十歲既阿叔阿嬸，佢地拎住大會派發既宣傳單張同埋扇，一路行就一路撥扇。

「中國咩都好，就係對呢班反中亂港既叛徒太仁慈!」肥佬大叔指罵遠方泛民遊行隊伍。

「呢班人收哂美國佬錢，奉命黎香港搞事!成日提民主民主，美國行左民主咪又係笠笠亂!全靠中國買美債支持佢地!」排骨大叔和應。





「叫班黃屍取消中國籍，死番美國住啦，睇下美國收唔收留佢地?」光頭大叔大笑。

中國咁好，你地又唔番去大灣區住?做咩仲要留係香港望住班黃屍督眼督鼻?

二百萬人上街，當一半人收錢，每人收一千蚊，美國短短半日已經使左十億，有冇外國勢力會咁蠢?

阿叔口裡愛國，身體卻很誠實，依然留係香港享受港英政府遺留既優良制度。

「阿叔，差佬用催淚彈同橡膠子彈對付手無寸鐵既學生喎，我睇新聞佢地都唔似暴徒。」我拎住大會派發既圓扇，邊撥邊講。





幾位阿叔仔細打量我，當佢地見到我手上拎住既紙扇，先至放下戒心。

「立法會成地磚頭同鐵枝，好明顯就係班學生暴動既證據啦!差佬射催淚彈都係保障自己!」

「班學生十成十比班美國佬煽動，書又唔好好讀，學人走去示威!比人拉左就前途盡毀。」

呢班學生唔出去遊行抗爭，表達訴求既話，香港就真係前途盡毀。

呢班廢老親手將香港既前途送上斷頭台。