為左一千蚊，成班港豬幫建制做PTGF: 3.8

「各位同學仔可以同我朋友介紹下組織搞過咩活動比學生，等社會大眾都可以了解下學生和平聯盟。」陳永信對住幾位同學仔打左個眼色。

「過去一年，我地組織五個考察團，分別去內蒙古，新疆，西藏，丹東同埋海南島，加深學生對祖國偏遠領土既了解。」

說穿了就係要將自古以黎係中國領土，不容分裂呢個概念灌輸比年青人，特別係充滿少數民族既新疆同西藏。

年青人去得多，自然會對一切民族運動感到抗拒，誤以為呢班人係反中亂國，其實政權先至係入侵者。

「除此之外，聯盟過去一年安排同學去故宮，798藝術區，中銀，央視等不同機構實習，擴闊學生眼界。」





要令學生接觸中國文化，第一步就係要令佢地踏足中國，提供實習就做到呢個目的。

「咁會唔會好貴，話哂要去咁遠。」

「費用全免，只需交2000按金。」

難怪咁多青年人願意番大陸，原來政權一早已經識得用銀彈政勢，慢慢令番大陸既人增加，從而灌輸政權既意識形態比佢學生。

「阿樂，有冇興趣做義工幫下班學生。」陳永信遞左張傳單比我，上面寫住青年導師招募計劃。





「我何得何能幫佢地?」我冷笑一聲。

要我帶隊上大陸歌頌內蒙古自古以黎係政權不可分割既領土?定係去西藏宣揚由政權冊立轉世既達賴?