風之軌跡（校園，戀愛，籃球）: 決勝時刻 中

雖然拉番近比分，但係都唔可以鬆懈。我都唔知楓佢係好彩定係扮唔識打波，面對強敵都可以射入，連brian都做唔到，估唔到佢得。

「你又幾好波喎」傻韋拍一拍楓嘅背脊講

「喂！師兄骨頭脆呀輕手d」楓笑住拍自己背脊講

「下一球比我試下去開波，等我拉個內線出黎，你地兩個容易d打」楓又再次提議我地新打法。

今次我直接聽佢建議比個波佢開，我都係第一次唔係企起開波以外嘅位，平時多數我控球指揮，今次居然有人攞左我個位。





楓佢指一指右邊弱邊位置示意叫我企又招手叫傻韋過去自己身邊。

傻韋見到馬上過去，楓就順勢傳波比佢仲幫佢pick開眼鏡仔防守。傻韋順住個勢切入到右邊，大隻佬換防唔切比傻韋直接切入到油漆區附近形成我、傻韋同阿橋2打1嘅情況。阿橋諗左一諗決定放傻韋上兩分唔比我射波，傻韋輕鬆上籃，追到11比14。

我地繼續比楓開波，但係今次唔同嘅係阿橋走左去mark楓，大隻佬走左黎mark我。

楓再一次用啱啱個戰術，傳左波比傻韋，傻韋順勢切入。本身都同啱啱一樣，正當傻韋上籃果陣阿橋追左上去。阿橋由弧頂跑到去傻韋身處嘅籃底，輕鬆block shot左傻韋，之後阿橋仲攞番個板，進攻權又番到去佢地果面。

阿橋帶波出番大圈，跑到弧頂外三分位置，楓馬上上前防守住佢嘅攻勢。





阿橋黎左兩下crossover之後加速上前場楓都追得上佢嘅速度。點知阿橋一下急停令到楓反應唔切比人Ankle breaker，成個人跌低。阿橋見到佢跌低之後馬上一個中距離大空檔射波，輕鬆穿針比數11比16。

呢個就係認真打比賽嘅阿橋，快速變換節奏突破晃低敵人，射波同防守都可以嘅全能球員，估唔到未來可以去美國打波嘅人實力係咁強。我一直都夢想打nba，但係我又能唔能夠做到佢咁？

「加油呀，唔好放棄呀。」

我認得呢把聲，每一次都唔會放棄，堅持相信我地。就算係之前對上金州中學一面倒輸之後都安慰我叫我唔好放棄嘅聲音。約定左好多承諾都未做到，連一開始嘅「蛋糕」都未還嘅我，放棄對佢愛意嘅我。

「今次一定要做到」我同平時一樣舉起大拇指對住聲音嘅方向





又到對面開波，今次轉左眼鏡仔開波，我揮一揮手示意楓走，由我黎mark阿橋。

眼睛仔馬上傳比阿橋，我比平時落力守住阿橋。阿橋再一次加速切入我唔驚比佢Ankle breaker直接追上。

今次佢唔急停，佢選擇一個快速step back ，見有距離馬上跳投。

「唔可以輸」我邊大叫邊跳起一個block shot拍走個波。

差唔多出界果陣傻韋一個飛身救波，將籃球拍到我同阿橋附近。

唔可以比呢個機會錯失，我望一望楓嘅位置，我都飛身將籃球由我面前拍到楓嘅位置。

楓好成功攞到個波，佢面對住大隻佬。楓一個orossover之後加速切入，成個動作同阿橋上一球一樣。佢一個變速令大隻佬跌低之後一個中距離穿針，追番兩分。比數13比16。

「你們打得不錯，本身以為可以輕松打完全部比賽，找了兩個打球一般的隊友組隊。沒想到你們可以打到這個地步」阿橋走向我嘅方向講