風之軌跡（校園，戀愛，籃球）: 決勝時刻 下

終於攞番進攻權，今次我決定比番我自己開波。我直接傳比傻韋，等傻韋進攻。

傻韋一攞到波又再一次面對眼鏡仔，今場波傻韋都無成功過到眼鏡仔，但係我依然相信傻韋可以打得贏佢。

傻韋起左側持球，先做出三威脅動作，等左一陣決定切入內線。始終三分同crossover 唔係傻韋最擅長嘅野,傻韋最擅長係中距離同切入上籃，但係眼鏡仔防內線又防得好好，基本上眼鏡仔係完全剋制傻韋。

「過佢呀傻韋加油呀」我望向聲音嘅來源係小雪講嘅。但係應該係企佢格離嘅詩雅叫佢，我見到詩雅起小雪耳邊講野。

傻韋聽到之後就好似啪左藥咁，突然一下加速，我都未見過佢有咁快。





佢加速之後眼鏡仔完全追唔上，起罰球線附近嘅大隻佬過左去補防，放空左我。但係我知道而家唔係屬於我射波嘅時間，而係傻韋表演嘅時間。

「自己上啦，唔洗傳比我」我大聲叫傻韋唔好傳。

傻韋一個spin輕鬆轉身過大隻佬，之後一個後仰跳投。大隻佬反應好快，比傻韋過完之後馬上轉身防番佢。

籃球輕鬆射出，大隻佬唔小心撞低左傻韋，比裁判吹左犯規。籃球起框邊轉左幾下，慢慢轉到入網，成功打左個and one，傻韋都輕鬆射入罰球成功追平比分。

「好波呀，我都知你得」我邊講邊舉高雙手示意high-five





「我唔會輸㗎，起小雪面前我一定要贏。」傻韋好快回應我嘅high-five。

「我唔明呀，啱啱你大空擋點解要叫傻韋自己打。唔係次次都可以二打一好彩射入。有可能斷送左個機會。」楓一面疑惑咁問我

「好難解釋比你聽，簡單d一句講曬，我信佢會入。」我都唔知點解釋好

「就係講個信字，你地太有趣啦，早d識你地咪幾好。」楓笑住講

「而家識都未遲啦，番到香港大把時間」傻韋今次又講得幾啱。





楓聽到傻韋講嘅野之後笑到停唔到，直到我開波為止。而家終於比分追平，差5分就可以贏到比賽。

繼續由我開波，今次我繼續傳比傻韋，傻韋持球之後直接切入，今次眼鏡仔貼得好近，唔比傻韋咁易射波。

我馬上跑過幫佢單擋，對面都換防好快，大隻佬過左去mark傻韋。傻韋用速度一步加速過左大隻佬，今次阿橋過左去防傻韋，放左三分低角位嘅楓。

傻韋入到禁區位阿橋已經準備好防止傻韋上籃，傻韋一個假上籃之後傳比楓。楓一攞起籃球直接三分出手，結果彈番出黎。

「唔會輸比你啊」傻韋邊大叫邊跳起連起佢格離嘅楓都比佢嚇左一嚇無跳起身。

傻韋直接補籃上去，球輕鬆刷板射入，終於成功反超前比分，比數18比16。

「來自香港的球隊風之軌跡成功超前比分！！！」主持人用咪大大聲咁叫出黎，瞬間全場氣氛高漲起黎

差三分炸，只要射入多一球三分波就可以贏到啦。





我攞住個波準備開，楓馬上過黎要求攞波。我馬上傳比佢之後跑位到右邊，楓攞到波之後面對住阿橋。阿橋完全封住楓嘅動作，傻韋見到咁嘅情況想幫楓pick。

「傻韋你過去幫阿健pick，唔洗幫我」楓叫走傻韋

傻韋聽到楓嘅說話馬上跑黎我身邊幫我pick，我馬上利用個pick盡量走過空位。楓就快甩波之際馬上傳比我。我攞住個波望一望籃框，面對大隻佬防守我合埋雙眼，腦裏面完全清空。突然腦裏面傳黎一個女仔嘅身影，我打開雙眼直接投球，投出最後一球。

球畫出完美軌跡，直接三分穿針入網，比數21比16結束呢場比賽。

「贏左？」我雙腳無力慢慢坐左起球場地下上面

「我地贏左呀！！！」傻韋馬上跑到我身邊拉起我邊大叫