風之軌跡（校園，戀愛，籃球）: 決勝時刻 上

唔通我地真係要止步起決賽？雖然我地落後緊好多分，但係只要有機會都唔可以放棄。

「我地應該要放棄比賽啦」阿晴佢唔太情願咁講

「兩個人打囉，問下得唔得」傻韋嘅說話打破左我地嘅僵局引到我地笑。

「你地兩個人打呀，咁姐係唔洗我幫手，咁我走先。」一個講廣東話身高同brian 都差唔多高體格都唔錯，睇落年紀比我地細外表連我作為男人都覺幾靚仔嘅男仔行過黎講

「你幫手就當然好啦，但係無啦啦做咩幫我地嘅，你係咩人黎」我雖然幾開心有人幫手打，但係比賽呢d野都係問清楚好d唔同街場打波跟隊。





「我一個人聖誕節黎台灣環島，見有籃球比賽睇咪入黎睇下，點知有隊同我一樣黎自香港嘅人起到打仲要打到決賽。我本身唔係話好識打波，但係睇我都睇幾多，希望幫到下」個男仔對我地講

「唔好諗啦，阿健你快d比佢打啦，我等住打爆佢地」傻韋一心想打比賽唔理所有野

「你唔識打波，咁你盡量幫手防人啦。」我都只可以屈伏比賽低下

「唔記得介紹自己，我叫林奕楓你叫我楓就得啦。我知你叫阿健佢叫傻韋，啱啱聽到你地起球場叫。我對所有野過目不忘，應該無記錯。」楓好自豪咁講

「好啦，咁你地比心機啦，一定可以贏」詩雅邊拿支水比我邊同我地講





我地三個人行到球場上面，再次面對阿橋佢地，阿橋依然睇落非常輕鬆，汗都好似唔係流好多咁。

「等等靠你mark住個大隻佬」我對住楓好凝重咁講

「得啦，我睇曬成場波，我記得曬佢嘅弱點。」楓笑住唔係太認真講，我都唔知信唔信佢好。

終於正式開波，阿橋繼續傳比大隻佬單打自己就唔洗出手，完全睇我地唔起。

大隻佬一攞到波又係同之前一樣背身單打，但係今次非常唔同。楓佢好似故意比佢背身推進，自己向佢拍波嘅右手慢慢過右邊。睇落就好似楓比人撞開緊，但實際上係自己移過去。





大隻佬推到差唔多key位出少少嘅位置，楓直接出手抄走佢波，佢仲識回場比我，直接傳到我手到。佢真係唔識打波？睇落一d都唔似。

我一拿到個波，傻韋馬上跑到低角位,我都反應得切直接傳比佢,傻韋一個catch and shoot三分射入，比分6比14。

「下球比我試下咁做呀」楓走過黎細細聲對我講

我唔知道信唔信佢好，我只好正正常常傳比傻韋攞波。

可能係啱啱比傻韋入左一球，眼鏡仔馬上防得貼好多，傻韋唔情願低下傳番比我。

我攞到波之後叫左傻韋黎單擋，我想試下切入內線，但係阿橋佢好巧妙咁離開左傻韋嘅單擋，一路防住切入緊嘅我。

我去到罰球線前，阿橋一路守住我。我望向後面嘅傻韋佢完全比眼鏡仔個身位擋住傳唔到比佢。我再望去楓到，佢真係企緊上一球傻韋準備catch and shoot果個位。

我無辦法底下只可以試下呢個方法。我手一揮傳到上一球果個低角位，楓見到之後馬上跑到去攞波。同上球嘅分別係大隻佬手比較長，佢伸手嘅防守面積大好多，唔係咁易射入。





楓佢完全無視防守直接射波，佢好似完全相信自己一定入一樣拿起就射。

球嘅軌跡完美射出，輕鬆射入，比數拉番近到9比14。

阿橋望一望比分再望向我地，就起果一刻我覺得佢好似成個人唔同左咁，睇黎佢終於認真打。