風之軌跡（校園，戀愛，籃球）: 邁向勝利之風 下

我地得分之後就諗住食住個勢繼續得分，繼續由我黎開波。我望向同我對位嘅阿橋，佢依然保持輕鬆嘅態度防守住我。

今次我繼續傳波比傻韋，傻韋起圈外持球再一次同眼鏡仔對峙。

「今次我一定過到你個四眼仔」傻韋攞住個球做出三威脅動作

傻韋向左踏出一步準備切入，眼鏡仔馬上緊貼住傻韋，完全唔比傻韋有機會。

我望住阿橋不慌不忙用手勢指示眼鏡仔同大隻佬企位同防守。





突然眼鏡仔走到內線同大隻佬佢換位。傻韋見換左大隻佬過黎咁brian 就可以錯位打眼鏡仔，傻韋馬上傳入內線比brian。就起傳波果一刻阿橋馬上走過去中斷抄截，球權去到對面。

阿橋用瞬雷不及掩耳嘅速度跑到圈外，我馬上上前防守。

我緊貼住佢唔比佢有機會，阿橋望一望場上情況，佢一個crossover大幅度變向。我唔小心比佢fake開，佢直接切入，brian馬上補位都補得好及。阿橋一個轉身spin走brian之後跳起一個灌籃，brian都用盡力跳起防守。

Brian係我地校隊嘅防守悍將，但係都比阿橋輕鬆灌籃。brian防守落地果陣左腳企唔穩倒下，我同傻韋馬上走過去拉起佢。

「有無事呀」我問下brian佢嘅情況





「左腳好似拉到，無咩力咁」brian一拐一拐咁起身「但係都無辦法啦，我地無人，我可以捱落去嘅」

進攻權去番阿橋佢地到，比分去到3比2。

「阿健加油呀」阿晴細細聲講，起佢格離嘅詩雅對佢講「無事㗎，阿健佢地成日都係堅持到低。就算逆境都會盡力打，唔理係人生定球場.....」

阿晴望番去球場果時馬上聽到大批歡呼聲，見到比分又拉開到3比5。

「傷左brian我地防守弱左好多，我同傻韋都係以進攻為主嘅球員，今次真係好難打」我細細聲對自己講





繼續由阿橋開波，佢都知brian傷左，所以傳左比大隻佬之後自己企三分線外指揮。

大隻佬本身身體就贏，而家傷左之後連速度都輸埋。大隻佬不斷背身推進，brian完全擋唔住。

上回合就係因為我過去幫手，比外線嘅阿橋有空檔三分拉大比數到3比5。今次我無過去幫手，只好等brian一個單防。結果比佢地輕鬆得兩分，比數3比7。

之後幾個回合都係佢地得分，將比數拉大到3比14，終於brian一次落地起唔到身。

「兄弟，好已經到極限，對唔住」連平時唔會認輸嘅brian都倒起地上用手臂擋住視線。

「你們不夠人打就會自動結束比賽，請問你們還有人出來打嗎？」裁判問我地

我地嘅中鋒阿傑又唔起到，我地唔夠人打只可以棄權。

一個男子起場外一直望住成件事，暗暗一笑，慢慢走落向球場。