風之軌跡（校園，戀愛，籃球）: 邁向勝利之風 中

我、詩雅同傻韋一齊行去比賽場地，行到球場附近見到brain阿晴小雪佢地。

「估唔到決賽你都差d遲到」阿晴手差住腰對住我講

「沒事嘅，今日我地狀態大好，一定贏嘅」我舉起手指公示意無問題

「我地嘅王牌係遲開㗎啦。」brain講笑咁講

「咁又係」阿晴居然好認真咁覆brain





「我講笑炸，王牌緊係我啦，點會係阿健佢呀」brain又笑住講

「咁我就睇下等等「王牌」會唔會打爆佢地啦」我略帶諷刺咁回應佢

突然球場響起大量歡呼聲，球場對面有幾個身影行近。企起中間嘅就係啱啱見過嘅阿橋，阿橋格離個女仔係茉莉。宜企起後面仲有兩個人，應該係佢嘅隊友。

「洗唔洗咁多人支持呀，等等都比我打爆啦」傻韋都仲係好抗奮咁講

「你地都有我地幾個支持啦」阿晴指住小雪同詩雅講





「我有小雪一個人支持就夠呀，詩雅呢個惡魔就唔洗啦」傻韋笑住講

「你講咩話？小雪你唔好咁近佢呀一陣近得佢多會變弱智」詩雅拉住小雪講

「知道」小雪輕輕回應詩雅之後走過黎對我加油打氣。

「阿健加油呀」小雪望住我講

突然蜂嗚器響起，比賽正式開始。





Brain傻韋同我一齊來到球場，對面阿橋果隊嘅三人都正式進場。佢地三個人除左阿橋之外果兩個人分別係一個戴眼鏡身體比較瘦削同一個高大比較大隻嘅人。

「我mark阿橋，眼鏡仔傻韋mark最後果個大隻佬靠你啦brain」我望一望果三個人只可以咁分配

「唔係咁開心呀，一睇就知我打果個係中鋒黎，身形輸曬。」brain用不可思議嘅眼神望住我

「我同傻韋對佢仲難打，你速度可能贏佢呢」我講

突然傳黎主持人嘅聲音打斷我地嘅對話

「大家準備好？最後總決賽馬上要開始啦，由我們台灣本地球隊台灣湖人對上來自香港球隊風之軌跡。」

第一球由我地開波，我攞住個波面對住阿橋，估唔到對面都係用阿橋黎mark我。我望一望場上嘅分佈同我一開始講嘅對位一樣，所以我一開始就傳比傻韋。

傻韋對我地揮手示意要單打，我同brain就拉開比佢單打。





傻韋諗住切入，但係眼鏡仔貼得好緊。傻韋見切入唔到唯有叫我過黎單擋。

傻韋佢借我個單擋擋走眼鏡仔但係換左阿橋mark佢。

傻韋傳番比後面啱啱幫佢單擋嘅我，我攞番個波眼鏡仔衝上前防我，我估到佢會防我，我就馬上一個step back三分出手，輕鬆三分落袋。

成個球場突然鼓掌叫囂起黎

「由風之軌跡先得三分！！！比數3比0」
估唔到由我地先得分。