風之軌跡（校園，戀愛，籃球）: 邁向勝利之風 上

經過一場苦戰之後，我地成功打入4強。之後我地都好成功順住個勢打到入決賽。

「辛苦曬啦」阿晴攞左幾支水比我地

「估唔到咁順利呀，4強仲宜過8強果場」brian邊飲水邊講

「決賽無咁易打㗎啦，你地要打台灣學界mvp呀，唔好咁淡定先」阿晴講

「得啦，今日我見神殺神見佛殺佛啦」傻韋好得戚咁講





「知啦，話事話佢地果場打完未，我都未睇過佢地打波」我問

「佢哋一早打完左，21比0打贏左場比賽」小雪回覆我

唔係呱完贏對手，睇黎真係唔易贏到佢地。

我見距離決賽仲有時間，我就休息一下行下散步。

「阿健等埋呀」詩雅講





我見到詩雅佢跟埋過黎我馬上走過去佢身邊。

「小心呀」我講完之後就拖住佢隻手一齊行左球場出面

行行下見到有2個人起面前行過，佢哋正正就係今朝見到果個男仔下場嘅對手阿橋，佢同個女仔行過黎。

「你就是等等的對手嗎」果女仔用普通話對我講

「是阿」我用普通話回覆佢





「希望等等可以打快一點，有點想睡呀」阿橋佢邊講邊打喊露

「阿橋不要亂說呀」果女仔對阿橋講完之後面向我同詩雅講「對不起，他不會說話，但是阿橋他是個好人不要誤會呀」

「話說回來我們還未自我介紹，我叫茉莉，我是阿橋他的經理人。至於阿橋我猜你們應該認識吧？不用介紹。」佢邊講邊笑

我見佢都自我介紹，我都介紹番自己比佢地知。

「阿健，等等見吧」茉莉講完之後就拉走就快訓著嘅阿橋走

「佢哋好怪，係咪打親波d人都係奇怪」詩雅對我講

「係呱」我無言以對

行左一陣，好快時間又到決賽時間，我同詩雅行番過去球場。





「加油呀阿健，唔好輸呀」詩雅對我講

「只要你起我身邊，我就一定唔會輸」我講

「但係我.....」詩雅欲言又止

我捉著詩雅隻手同佢講「無事㗎，你一定會無事。」

我上網查過佢呢種病做手術會有好大風險，唔做又唔得。我明知希望渺茫,但係我都只可以安慰佢同安慰自己仲有希望。用有限嘅時間盡自己嘅力，比佢睇我最好果面。

「阿健....」詩雅眼泛淚光咁望住我

「喂！你地好慢阿，阿健你地快d過黎啦」我地嘅氣氛比傻韋打破左





睇黎傻韋今日情緒高脹，小雪對佢嘅影響睇黎都真係幾大下

我望一望時間，真係差唔多夠鐘，我就正式走入球場。

我今日一定要贏！