風之軌跡（校園，戀愛，籃球）: 蘇生的軌跡 下

「第一場比賽正式開始！由台灣球隊星晨開始發球」主持用激昂嘅語氣講

一開始由柏韋開波，佢直接傳比左手邊身高比較高嘅球員手上面。個高佬由brian防佢，右手面無咁高嘅果個人由傻韋防佢，而我負責防柏韋。

高佬攞到波之後用試探步想fake走Brian,但係唔係太成功。

柏韋見佢唔係太過到brian，佢就跑到高佬後面，高佬見狀馬上傳波比柏韋。

我馬上追上去防守佢，但唔係太成功，我比柏韋前面嘅高佬pick住。





柏韋見到我上唔到前守佢，佢就馬上加速直奔禁區，連brian都追唔上佢嘅速度，比佢直接上籃得分。

「精彩上籃！！由星晨先得分，比數2比0！！」主持十分抗奮地講

繼續由佢地開波,柏韋都係一開波傳比果高佬，佢繼續用試探步試圖fake走brian，都係唔成功。

我見柏韋佢又想同上球一樣行去攞波，我馬上叫brian換防，防止佢切入。

「幫手守住柏韋先，唔好比佢切入呀」我對brian講





佢地見到計劃唔成功，高佬就想自己切入硬闖，我盡力守佢唔比佢出手。

「傻韋睇住右手邊果條友呀」我大叫比傻韋聽

說時遲那時快，高佬馬上傳比右手邊條友。但係傻韋聽到我提示馬上中斷左個傳球，我地成功攞番進攻權。

傻韋攞到波之後馬上傳番比圈外嘅brian手上面，brian攞到波之後柏韋即刻上前防守brian。

brian利用身高同速度想過柏韋嘅防守，而我同傻韋兩個不斷無球跑動拉開比brian單打。





brian跑到籃框下，柏韋依然守住佢。

brian佢雙手持球用背身單打柏韋，brian無視柏韋直接跳起灌籃得分，重成功令柏韋犯規，上罰球線射入罰球，打出and 1。

「香港球隊風之軌跡打出一個and 1！！比數2比3 ！！」主持講

傻韋行左去開波，一黎就開比我控球，柏韋見狀馬上過黎防守。

「終於可以對上你啦」柏韋笑住同我講

「咁你要守好d啦」我唔記得佢唔係香港人我用左廣東話講

我講完之後直接一個三分出手，清脆利落射入網中

「三分！！三分呀！！比數2比6」主持激動到差d掉咪





我望向觀眾席，對詩雅阿晴果邊比手指公。同平時一樣阿晴回應我舉起三隻手指。

「好波呀，keep住個勢」brian講

「啱呀，開波啦」我回覆佢

之後我地雙方你來我往，比數keep住4分差距，比數14比18由對手開波。

「沒想到你真的很強，但是我不會給你輕鬆勝利」柏韋講完之後就傳波比右手邊果個人。

佢攞到波之後跑入禁區，傻韋馬上追上去防。

佢跑到入去就將個波傳去後面，柏韋加速上前攞波，佢攞波嘅同時高佬都跑過黎。





「小心呀」我意識到柏韋想做咩，所以大叫。

可惜都係太慢，柏韋佢一手拋起個波，brian黎唔切反應，比高佬馬上alley-oop一野灌入籃框。brian 佢重唔小心比裁判吹犯規，比佢上罰球線射罰球，比佢地追至17比18分。

繼續佢地開波，今次唔係柏韋開波，改由傻韋mark果個人開。

佢直接開比右邊低角三分位嘅柏韋，我過去防守佢。

「這球是還給你的」柏韋佢一講完直接射波穿針入網

「太精彩啦！星晨反追比數20比18，game point 啦！」主持講

「加油呀，重有機會㗎，我唔可以起小雪面前輸㗎，所以一定要贏」傻韋講

「琴日比人拒絕唔夠咩」我笑住講





「佢一日未有男朋友我都唔會放棄」佢講

我都幾佩服佢嘅堅持，話唔定佢真係有機會發生奇蹟都未定。

我由褲袋攞出以前詩雅整比我嘅護身符。我記起我同詩雅好快要分開，我重有幾多時間可以同佢一齊呢？我唔可以比佢見到無用嘅我，至少用有限嘅時間比我最好嘅一面比佢。

正式開波，佢地又用相同戰術，傳波比柏韋，我過去守。

今次我貼住佢防守，唔比佢射3分。

佢見射唔到3分，佢就直接切入單打我。

佢加速想衝入禁區，我追上佢守佢，佢直接出手上籃。





「一定要守到呀！！」我跳起手指刷到籃球邊。

籃球沿住籃框轉圈，轉左幾個圈之後掉番落黎，我馬上上前攞板。

我由籃下傳番比圈外嘅傻韋手上。

Brian跑左過去幫手pick,傻韋佢利用個brian個單擋運球到左手面。

個高佬過左去防佢。

「今次就由我黎end你地game 啦」傻韋邊講邊向後step back 直接射三分。

個高佬雖然比傻韋高，但係反應唔快，守唔到佢個step back，直接刷板入網，比數20比21分險勝。

「贏左啦！」傻韋對天大叫全場都聽到佢把聲。

佢抄我之前入波果陣個動作，望向觀眾席對小雪舉起手指公，小雪佢用笑容回應佢。

「見唔見到呀，佢對我笑呀」佢好興奮咁對我講

我見到佢咁開心，咁我都唔好串佢，比佢開心下啦

「好啦，贏8強炸，我地要贏落去呀」brian對我地兩個講
0
0