風之軌跡（校園，戀愛，籃球）: 流星雨下的約定 下

我地攞住幾袋野行過去近山頂嘅地方坐低等待流星雨。

「有d凍」詩雅磨擦雙手取暖

我馬上除左件外套比詩雅

「有無好d呀，不如番去啦」我擔心詩雅嘅身體頂唔順，始終佢都係個病人。

詩雅佢抱住我取暖，佢嘅身體依靠住我，我完全感受到佢冰冷嘅體溫。





「阿健，我無事㗎」詩雅講

小雪攞左鑵熱嘅奶茶過黎比詩雅。

「詩雅姐姐，喝左佢會好d㗎」小雪講

「唔該曬」詩雅對小雪微笑

「小雪，凍唔凍呀，我都可以比件外套你㗎」傻韋講





「唔洗啦，唔好意思」小雪對傻韋講

等左一陣都未有流星雨，阿晴就提議我地玩下遊戲。

「有咩遊戲好玩呢」阿晴問

「講故事？」小雪講

我笑住講「唔係個個都好似你咁識寫同講故事㗎」





「我地幾個識左都無一年，不如我地玩抽籤問問題啦，當了解下大家啦」阿晴講

「好呀」傻韋講

「好似唔錯，我都唔係太了解大家」小雪講

「我機會黎啦，等等你抽到問我嘅話記得問我係咪有野想講」傻韋細細聲對我講

「你唔好亂黎呀」我笑住對傻韋講

阿晴是但攞張紙分開5份，起兩張紙上面寫上1同2。

「抽到2號嘅可以問抽到1號一個問題」阿晴講

「明白曬，開始啦」傻韋講





阿晴放左5張紙起地下，傻韋馬上攞左張大開黎睇。

「咩都無呀」傻韋用失望嘅表情講

其他人都攞起地上嘅紙片。

「我抽到2號」小雪講

我望一望自己張紙，上面寫住1。

「我抽到1號呀，小雪你問我問題啦」我講

「第一場就問d簡單d嘅問題啦，阿健你記唔記得你嘅初戀。」





「咁叫簡單」我笑住講

「健神講下你d情史啦」傻韋講

我望一望詩雅之後開始講「細個果陣屋企留下住左個女仔同我同年，佢成日一個人。我見佢同我一樣成日無屋企番咁，所以就同佢玩」

詩雅聽到我講嘴角開始上揚。

「果個女仔就係你初戀？」阿晴講

「啱呀，我重記得我儲錢同佢睇戲，睇完戲佢同我講話要搬走。細個嘅我唔明白，其實我已經鍾意左果個女仔。」我講

「阿健你好慘呀，記低之後寫書用先」小雪講

「咁你同個女仔有無再見面呀」阿晴問





「有呀」我望一望詩雅

「咁點呀」阿晴又問

「好啦好啦，再抽籤啦，問太多問題」我講

突然阿晴電話響，阿晴講左幾句話左我地嘅位置比電話個面聽。

「邊個？」我問

「Brian佢地兩個，佢地差唔多過到黎」阿晴講

「好啦，繼續玩」阿晴講





今次我無抽到，詩雅抽到2號傻韋抽到1號。

「問啦」傻韋講

「好呀，我就問傻韋你係咪有d野想講」詩雅問

唔通啱啱詩雅聽到傻韋同我講嘅野？我用驚訝嘅眼神望住詩雅

「啱呀」傻韋講

傻韋深呼吸左一下，之後望住小雪講「我鍾意左你好耐，請你同我拍拖啦。我真係好鍾意你，比次機會我啦。」

小雪好明顯比左嚇親，佢停左停之後馬上講「唔好意思，我已經有鍾意嘅人啦，所以唔好意思」

「我知道你係個好人，但係.....」小雪講

「傻韋你比人發好人卡啦，放棄啦」詩雅講

「唔緊要，我唔會放棄㗎，今次比你拒絕咪下次囉，總有一日我會追到你」傻韋講

「小雪你有鍾意嘅人？無聽你講過嘅」阿晴問

「因為我知道果個人唔會鍾意我，所以我唔講」小雪講

「好想知呀」阿晴講

「好啦晴姐姐，繼續遊戲啦」小雪開始小小面紅

「係咪等左本大爺好耐呢」brian突然由後面跳出黎

「啱啱好啦，過黎玩啦」阿晴講

「好呀」阿玲講

佢地兩個坐低，阿晴份多兩份張總共7張。

Brian 一落黎玩就抽到2號籤，宜我就抽到1號。

Brian露出陰險嘅笑容望住我對我講「我唔會好似佢地咁好人㗎」

「我無咩野唔比得人知」我講

「你話㗎，我就問你有無鍾意過阿晴」Brian 問

「我...」我望一望阿晴，我見到佢用驚訝嘅表情望住我

「我...」我又望一望詩雅，好明顯詩雅知道我答案

「我...之前有鍾意過阿晴」我講

「阿健你鍾意過晴姐姐」小雪都用驚訝嘅眼神望住我

「我轉校黎果陣就比阿晴你嘅爽直嘅性格吸引。重記得你第一句同我講嘅說話，問
我鍾唔鍾意打籃球。就由果陣開始我就鍾意左你，一直想同你講自己嘅心意，但係一直講唔出口。」我講

「但係宜家詩雅就係我嘅唯一，我嘅心就只有佢一個。」我講

「阿健....」詩雅眼有淚光望住我

「好啦知你情聖啦」brian講

「流星雨呀」小雪用手指指上天

我地全部人一齊望上天空。

「流星好靚呀」詩雅講

「流星雖然一瞬即逝，但係佢已經深深記入我地嘅腦海當中」詩雅講

「就算分開兩地，就算死亡將我地分開，我都唔會忘記你」我講

「流星做證，我同你約定好我唔會忘記你，我永遠愛你」我講

「阿健...多謝你」詩雅抱緊我講