風之軌跡（校園，戀愛，籃球）: 蘇生的軌跡 上

「起身啦阿健」一把聲由我耳邊傳入

「咩事呀」我打開雙眼望住詩雅

「你唔你話今日要去比賽咩，再唔起身就會遲到啦」詩雅邊拉我落床邊講

「係喎，差d唔記得」我講

琴晚睇完流星之後凌晨叫左車坐番酒店，訓左無幾耐就比詩雅叫醒。





我望下手機，見到佢地已經起樓下等緊，我馬上狗衝換衫落去，詩雅無理我佢慢慢行。

「知你實遲到，好彩早d叫你落黎姐」brian邊食麵包邊對我講。

「阿健小雅攞去食啦」阿晴攞左兩份早餐比我地

「唔該曬，阿晴你一早起身買嘅？」詩雅問阿晴

「見早左起身無野做咪買定野食等」阿晴講





「好啦，食完就出發，打低d台仔佢」傻韋講

我見到佢咁興奮我就串下佢「你睇下你，琴晚嚇親小雪，佢宜家都未到呀」

「小雪佢今朝起身唔係太舒服，阿玲去左陪佢，佢地一陣自己黎」阿晴講

「你睇下你，嚇到小雪病埋啦」詩雅對傻韋講

「又關我事」傻韋無奈地講





「好啦，啱啱好食完，可以出發」我講

我地幾個人搵左搵個地點就出發去車站。去到車站見到2男一女企起到等車，其中一個男人手上面攞住個籃球。我地企起佢地後面排隊，我估佢地都係參加比賽。

「阿僑他還無來到，現在都幾點了」個女仔用普通話同果兩個男仔講

「王牌他總是遲到」其中一個男仔講

「等等都是他carry我們，Ashly你放心吧」第二個男仔講

我地偷聽左他地講野一陣，突然有人叫我地借過一下，我地就行開。

「阿僑你終於來了，我們等了你很久」個女仔同啱啱黎果個男仔講。

「咁熟口面嘅」阿晴講





我望下果個男仔，佢同我差唔多高，佢金色頭髮，頭髮有d亂睇落好似啱啱起身咁，
算係幾靚仔。

Brian聽到佢話熟口面就笑下佢「你唔係鍾意人呀，原來阿晴你鍾意呢類型，阿健你放棄係啱呀」

「又關我事」我講

「唔係呀，真係好熟口面呀」阿晴講完之後用手機搵好快搵到佢，阿晴比個電話我地睇。

「台灣中學比賽mvp,已經有美國有名大學搵定佢未來加入打大學聯賽ncaa,台灣天才籃球手」阿晴講

「唔係咁呀，點打呀」傻韋講

「我地嘅目標都係nba呀，唔好比佢嚇親」我講





「你嘅目標炸，我唔係㗎」Brian一面不在乎嘅表情講

「好啦，有車啦」詩雅講

我地幾個跟住果幾個人上車，坐左一陣就到目的地。

「個球場好大呀，重有好多人黎睇呀」傻韋講

「我地打醒十二分精神呀，盡力打啦」我講

我地幾個行去報名果面排隊，雖然我地網上報名左但係都要去登記一下。

「我聽到人地有隊名好霸氣咁，不如我地改番個啦」傻韋講





「咁柒」brian講

「唔係喎！個提議唔錯，阿健你話好唔好」阿晴講

「都好嘅，但係改咩好」我講

詩雅望一望我之後就講「不如叫風之軌跡啦，幾好聽。」

我地聽完詩雅講之後都覺得唔錯，所以決定改呢個名。

等左一陣，我地終於行到去報名，咁啱我地撞到之前夜市問我加唔加入佢果隊打比賽果個人，好似叫柏韋。

佢見到我馬上過黎打招呼，我見brian佢地報緊名我又無咩做就同佢吹下水。

「沒想到你們真的來了參加比賽」佢用普通話對我講





我用我幼稚園級別嘅普通話同佢講「我都想試下其他地方的籃球，試一下自己的程度。」

「哈哈，等等我不會手軟的」佢笑住講

「我的目標不只是這裡，我的目標是nba，我不會再輸。」我諗起學界輸左果刻我對自己發誓唔會再輸。

「加油啦，今天有一個台灣籃球新星在，你要贏不是簡單的事」佢好認真同我講

「我會加油的，等等球場見」我講完之後望過去咁啱見到Brian佢地報完名，我就行番過去。

「你同佢好似好好傾喎，會唔會你等等做鬼幫佢地㗎」brian講

「啱呀，等等唔好傳比我呀」我講

「搵個位坐低睇波啦，就開波。」阿晴拉住我同brian離開報名處

我望一望電話個時間距離我地比賽重有一個鐘。我又唔想坐起到等，唯有附近行下，詩雅都跟我一齊行左出去。