風之軌跡（校園，戀愛，籃球）: 流星雨下的約定 中

我地幾個人起棧道上面除鞋之後就行左落去濕地。我望向遠處見到有人由濕地行去風車果面。

「啱啱你唔係話想睇風車咩，好似可以由呢到行過去喎」我對詩雅講

佢聽到我講馬上拉住我行過去，其他人都無跟過黎。

我拖住詩雅兩個人慢步行去風車果面，附近都有一對情侶行緊。

「阿健，呢到風景好靚呀」詩雅望住右手邊一望無際嘅大海對我講





「啱呀」我講

「之後我都會陪你去每一個你想去嘅地方，穿過呢片一望無際嘅大海」我指住詩雅望住嘅方向講。

「阿健你....」

「多謝你陪我.....但係....」詩雅突然抱住我喊

「由我入醫院到宜家你都怪怪地，其實你發生咩事呀，可以同我講㗎」我抱緊佢講





「其實我....要去外國...」佢喊住講

「無事㗎，就算分開兩地我對你都會一樣唔會變」我講

「我係過去做肺栓塞手術...好大機會我地唔會再見」佢講

我比佢嘅說話嚇左嚇

「其實我呢幾年係為左再一次見到阿健你我先過番黎你附近住。算係了左我心願，我一直都想....都想再一次見到你，希望可以同你拍拖同你過我淨低嘅時光....」詩雅原本拖住我，突然輕輕推開我。





「多謝你阿健，唔係你我都唔會過得咁開心」詩雅刷一刷淚水雙手放後向我鞠躬

「詩雅...」我完全唔知講咩好

「唔好同阿晴講呀，你都知佢係點嘅人，我唔想佢擔心。」佢講

我點左下頭，一手拖住佢行過去風車果面。

我地兩個靜靜咁行過去，恍惚時間停止，全世界只淨低我地兩個一樣。慢慢地我地就行到風車前面。

「風吹過黎好舒服呀」詩雅企起風車前面雙手張開

我望住佢，我心諗宜家快樂嘅時光可以停留幾耐。

「風之子呢個名好適合你呀阿健，你同風一樣溫柔。」詩雅回頭對住我微笑。





佢柔弱嘅身軀起陽光同風吹低下顯得份外柔弱。

我地行到差唔多黃昏嘅時間，我地兩個行番去搵阿晴佢地。

行行下我望見太陽落山。

「詩雅你睇下」我指住水面，太陽落山映照到水面，水面好似鏡一樣出現多一個太陽落山嘅畫面。

「好靚呀」詩雅望住海面

「詩雅我...」我未講完就比人打斷。

「咁慢㗎你地」傻韋大叫





阿晴同小雪行左過黎我地呢邊。

「今晚有流星雨睇呀，我地快d食完野去睇呀」阿晴講

「好呀」詩雅一講完又同阿晴一支箭行走

「好似有心事咁喎」傻韋講

「無野呀」我講

我地幾個叫左Uber,上車前往機場附近嘅半山區，大約一個半鐘左右到左附近一個夜市食野。

「呢個地方叫靜宜，咁有無大雄呀」傻韋講

「好爛呀個gag」詩雅講





「搵野食先」阿晴急不及待搵野食。

我地行入去靜宜夜市，搵左幾間小食攤食。之後我地去便利商店買左d野食等等睇流星食。