風之軌跡（校園，戀愛，籃球）: 流星雨下的約定 上

到左第二日行程，我一起身大開隻眼就見到詩雅佢望住我。

「咁早起身呀」我用手指輕輕力篤住佢塊臉講

「早d起身先可以睇到你啱啱起身個傻樣」詩雅笑我

我笑住講「你諗今日行程呀，嬲呀」講完之後就起身走去廁所刷牙洗臉

好快就刷完牙洗完面出番黎，我見到佢好似好快就搵到今日去邊，好囂張咁望住我。





「睇黎你諗到今日去邊，咁囂張」我講

「當然啦，問下阿晴佢一唔一齊先」詩雅講

我見到佢send 信息過去無幾耐就收到阿晴覆佢

「我地落去啦，估唔到阿晴同我嘅想去一樣，想去同一個地方」詩雅講

「咁我問埋傻韋同小雪先，但係今日去邊先」我講





「今日去高美濕地，來回加行曬成個濕地就可以行成日啦」詩雅講

我聽完去邊之後就問傻韋同小雪一唔一齊去，佢地都好快覆我話ok。

我同詩雅好快換完衫落去，一落到去已經見到佢地。

「咁快手嘅你地」我講

「你都遲開啦，慣左」傻韋講





「不如食個早餐先出發啦，啱啱起身有d肚餓」阿晴笑住講

「好呀」詩雅講完就走左去同阿晴行

我地幾個入左酒店附近一間早餐店食野，唔知有咩好食，所以是但叫左d野食。

「阿健你個蛋餅望落好似幾好食」阿晴講

「攞d去食囉」我講

「我又要」詩雅講

「攞去攞去」我一臉無奈咁講

「比d你啦，阿健」小雪見到我無野食所以比佢個炒麵比我





「天使呀，你兩個吸血鬼學下野啦」我講

「阿晴我地兩個唔好彩佢，嬲呀」詩雅講

詩雅再講「今晚去同阿晴訓呀，唔理你」

「好啦好啦，我錯啦乖啦」我講

「你知就好啦」詩雅講

「唔好意思呀，阿健」小雪細細聲講

「佢講笑炸，你唔洗太認真」我笑住講





食完早餐，我地就睇下點坐車去。但係發現好似好難坐公車到果面，所以我地call左Uber坐過去。坐左一個鐘到就到左目的地高美濕地，一落車我就比眼前嘅景色吸引。

「阿健你睇下係風車呀」詩雅拉住我講

「行過去睇囉」我講

我地五個人行入去濕地上面嘅木棧道上面。

望住水天一色嘅風景，我都忍唔住停低睇下。

「前面好似可以落去濕地上面行喎，過去啦」詩雅好興奮咁講

詩雅講完之後佢同阿晴就一支箭過去。

「兩個小朋友」我笑住講





「晴姐姐同詩雅姐姐兩個人好似，睇落去完全睇唔出佢地兩個係咁」小雪笑住講

「佢地兩個都係會將心事收埋嘅人黎。能夠見到佢地咁開心，我都幾開心」我講

「咁行過去啦」小雪對我講

「我又行」傻韋聽到小雪講佢馬上插嘴

「黎啦」我講