風之軌跡（校園，戀愛，籃球）: 首戰 中
我同傻韋好快換完衫，我穿上我偶像Nash既13號球衣宜傻韋就穿上3號代表佢偶像wade嘅球衣。
第二節開始，我地兩個開始起場邊做熱身，我真係估唔到自己真係有機會穿上13號起學界嘅個舞台上奔跑。
「加油呀！阿健」詩雅起球員休息區對我講
我舉起手指公表示知道。
我望去詩雅格離嘅阿晴，佢都係一副擔心嘅神情望住我
我同樣對佢舉起手指公。
宜家嘅我已經放棄左阿晴，所以我以為我唔會比佢影響到我，但係真係要放棄一個唔係話放棄就放棄，我會慢慢學。
「唔係呀，佢地個大前鋒痴線㗎」突然聽到傻韋講
我望番去球場，見到佢地個大前鋒Anthony加速一個人殺入我方内線一個勾手得分。
「我地d替補完全守唔到佢呀」我講
「brian啱啱都唔夠快番去防守，Anthony 1打4呀會唔會太痴線」傻韋講
「time out」裁判講
嘉豪叫左個time out換我同傻韋上場，第一節佢地20比12，第二節啱啱打左一分鐘，比數25比12。
「你地終於黎嗱，好難打呀」brian講
「隊長你休息多一陣先啦，啱啱你守Anthony 用左好多力」中鋒阿傑講
「嘉豪唔係到，我地等等就用1號戰術」我講
「ok!」我地成team人齊講
「我地一定會贏嘅」brian講
「加油呀，我相信你地㗎」阿晴終於開口
「夠鐘」裁判講
我地開始行番落場，忽然聽到阿晴為我打氣
「加油呀！風之子」
呢一個星期已經阿晴都少左同我講野，終於佢變番以前咁
「知呀」我邊講邊行
「開波」阿傑講完之後就傳左比我
我用手勢提示佢地用戰術1，阿傑見到到快速過半場。
我慢慢咁過左半場，我d隊友都已經企好位，傻韋同brian企起左右兩側嘅低角位，而阿傑同替補大前鋒企左起罰球線兩側，我地5個企位啱啱好形成一個v字形，1號戰術就係horns戰術。
我企起中間三分線，利用阿傑同替補嘅pick順利過左左邊內線阿傑果面，張佢地最勁嘅Anthony 卡起右面。
我繼續上前推進，佢地嘅中鋒無辦法低下跑左黎防我，令到阿傑有個錯位對佢地嘅控衛。
我見到咁嘅情況直接扮上籃fake起左過黎防嘅敵隊中鋒，之後一個後手傳比已經行緊入禁區嘅阿傑，佢一個輕鬆上籃得分。
比數25比14。
「good pass 呀」阿傑講
「回防啦，宜家先係開始」我講
對面見到我地組織唔同曬，佢地都想還而顏色。
對面控衛傳左波比分衛阿豪，Anthony走左出去幫阿豪pick，佢地想黎一個經典嘅擋拆，可惜我一早估到。
我叫左替補大前鋒同傻韋換防，由替補擋阿豪射外線由傻韋擋Anthony切入，但係哩都換防都只係第一步，之後要睇對面點打。
換防之後，對面見pick 唔到所以諗住高位打低位，阿豪傳比Anthony單打。
我當然知道佢會咁做，基本上傻韋差唔多差兩個頭嘅身高，比著我係佢都會傳比Anthony。
所以我一早就諗住佢地一傳球就叫傻韋佢地換番位，用一個延阻返位。
但係我低估左Anthony 嘅速度同力量，換到位個陣佢已經殺到入禁區。
我馬上叫阿傑上前兩個人擋，成功迫到佢雙手持球。
Anthony見死球就傳比因為補位所以無人mark嘅中鋒手上，個中鋒一個中距離射球炒到，左側嘅brian成功攞板。
又到我地反擊啦。
Brian傳左比我，我襯Anthony 未回得切防馬上同傻韋打快攻。
我地跑過半場，形成2打2嘅狀態。
我直接帶球進行切入，而傻韋就無球走位，拉開阿豪比我單打。
我直接加速去到左側內線一個euro step上籃，對面防守者防得太慢，打左我手，吹左個打手犯規，成功打左個and1。
我都不負眾望入左球罰球，比數25比17。
經過一輪拉鋸戰後上半場好快打完，半場前brian一個中距離跳投今到我地成功追到38比32
「無氣啦」brian講
「32強都咁難打，點打下場呀」傻韋講
「咁快就投曬降咁，有無廢d呀」隊長嘉豪用毛巾蓋住自己塊面講
「隊長辛苦曬啦，mark左咁耐Anthony」我講
「mark到實都比佢入到，佢唔係人黎㗎」嘉豪講
我望下得分板Anthony上半場18分6籃板1助攻，佢會唔會太痴線，差唔多一半分係佢。
我望下自己隊最多分係Brian，佢攞9分2籃板2助攻，宜我就3分5助攻，我地好成功第二節打出一個18比20嘅攻勢，開始攞多左分。
「阿健，你好勁呀」詩雅邊講邊攞毛巾比我
「你都唔識睇波，點知勁唔勁呀」我串佢
「咩喎，有個現場旁述員阿晴幫我旁述呀」詩雅講
「唔好意思呀，佢係咁煩你」我對阿晴講
「有咩所謂，你比心機打啦，加油呀風之子」阿晴講
「我..」我講過要贏學界送個獎盃比你哩一句說話我差d衝左出口。
「？」阿晴成頭黑人問號
「我..知啦」我是但講d野
「點解阿晴你會叫阿健風之子嘅，我見你成日咁叫佢」詩雅一臉茫然
「我最鍾意嘅球星嘅稱號黎」我講
「哦」詩雅講
風之子呢個名係屬於我同阿晴嘅回憶黎，由第一日番學開始佢就成日咁叫我，反而佢唔咁叫我先覺得怪。
「小雅你唔鍾意我咁叫佢咩？咁我叫番佢阿健啦」阿晴對詩雅講
「睇黎你女朋友唔鍾意我咁叫你喎，阿健」阿晴笑住講
我記得星期一果陣阿晴佢起車上面同我講嘅野，佢話平時果個唔係自己，咁宜家笑住講呢番話嘅又係咪佢呢？諗到呢到我個心又開始痛。
「點會呀，阿晴你鍾意點叫阿健咪點叫，我想知下姐」詩雅講
我用毛巾蓋頭，用毛巾暫時將我同世界分離。