風之軌跡（校園，戀愛，籃球）: 首戰 上

時間到過多幾日，好快咁又到星期六打三十二強比賽同補堂嘅日子。

由於呢幾日有詩雅嘅幫助下，我大至上只有第一日考嘅數學唔合格，補一科嘅話應該ok 嘅

話說呢幾日上堂阿晴都同平時沒咩分別，重係會有講有笑，我真係唔明佢之前點解會咁講。

「阿健～～阿健～～」係我諗緊野既時間有人不斷煩我

「諗咩諗到咁入神呀」有隻手指輕輕咁督住我塊臉





「咪挽啦，詩雅」我講完之後直接掃開佢隻手指

「重等我咁好心陪你坐車番學，你好衰呀」詩雅佢鼓埋泡腮望住我

「我知錯啦，乖呀」我拖番住佢隻手

「知就好呀，等等補完課重要去睇你打比賽，唔知要等你幾耐呀」佢同我講

「無左你我打唔到波㗎，乖啦」我笑住同佢講





「當然啦，我係你嘅幸運女神黎」佢講

「邊有人自認係女神」我恥笑佢

「嬲呀」佢望向反方向唔望我扮嬲

「唔好嬲呀」我由佢背面抱住佢

「唔理你呀」佢講





「落車啦，真係唔理我？」我笑住講

「係咩？！」佢望一望發現重未到站

「又話唔理我」我又恥笑佢

「嬲呀」佢扮嬲

就係咁你一言我一語，好快就落車。

落車之後我去左番學校，宜佢好似約左人起上面商場，我估佢應該係約左阿晴，佢唔想我諗咁多先唔同我講姐。

我行去補課嘅課室，行到入去已經見到傻韋已經坐左起到

「你到啦，我啱啱已經上左一堂啦，最後一堂啦」傻韋邊對我招手邊講





「好快姐，上完曬就打得波啦」我講

「係咁就好呀，數學補堂先係痛苦既開始」佢講

「唔好傾計啦，等等你地全部人同我做曬d卷去先走呀」阿sir 入左課室講

「唔係講真㗎」我講

「真㗎，我瀨左野5年啦」傻韋講

我地用盡九牛二虎之力，用左4個鐘終於做完

「快啦，就開波啦」傻韋一支箭跑左出去





「知啦」我起行

行到課室門口已經見到有兩個女士等候緊。

「咁慢㗎，宜家坐車去到應該差唔多打左大半個第一節」阿晴講

「咁坐的士啦，唔好等啦」傻韋講

講完之後我地就去左坐的士，傻韋坐起前面，宜我、詩雅同阿晴就順次序坐。

「阿健，你食左野未，買左少少野比你食呀」詩雅對我講

「乖啦知我肚餓，等等落車食」我講

「你地有無理我地嘅感受㗎，又放閃」傻韋邊嘆氣邊講





「咩呀，我同阿晴都有買比你㗎，只係你個人無咁重要，我先遲d講姐」詩雅講

「咩話！我唔重要！」傻韋講

「你好好管教下佢啦阿健」傻韋望住我講

「好呀，一人少一句啦，唔好嘈住司機開車啦」阿晴終於出聲

「啱呀，好快就到，唔好嘈啦」我講

「好啦，我比面阿健同阿晴佢地，唔同你嘈」詩雅邊講邊依靠住我

就係咁，經過一下子嘅零靜，好快就到體育館





我同傻韋邊行邊咬麵包補充體力。

「到啦」阿晴講

我望去計分板，打左第一節比數20比12，我地落後緊。

「你地終於黎啦，快d做熱身啦」坐起休息位既隊長嘉豪對我地講。

由於我地學校沒請教練，只有個識少少波嘅老師帶隊，所以平時打比賽都係我地傾戰術，個老師都唔會黎睇。

「無左你，我地d戰術都出唔到，加上佢地嘅大前鋒anthony同得分後衛阿豪嘅得分同防守都好勁，等等要小心」嘉豪講