風之軌跡（校園，戀愛，籃球）: 首戰 下
「開波啦，唔好訓啦」詩雅打開我頭上嘅毛巾
「知啦」我慢慢起番身
我摸左摸褲袋，詩雅做比我嘅護身符重起褲袋到
「重唔行，等等唔比打呀」詩雅輕輕推左我一下
「我睇下有無唔見野姐」邊講邊攞起護身符
「估唔到你有袋住佢打波」詩雅講
「有左佢我就會贏，因為係你親手緊」我講完之後正式走番過去。
「得未呀」阿傑問我
「開波啦」我講
佢聽到我講就傳波比我，我繼續用番第二節用開既1號戰術，大家都企番起自己，形成一個v字形。
「今節唔會比你咁容易組織到攻勢」對面換左得分後衛阿豪守我，佢對我講。
我地嘅個戰術其實有個問題就係由我做發起人，只要有個防守強度高身體對抗比我強嘅人，個戰術就可難打。
我直接傳左比左邊低角嘅傻韋，比佢打。
傻韋接到波之後一個三威脅諗今球點打好，brian 見到咁嘅情況就過去幫佢pick。
傻韋見到有pick就直接利用brian做一個單擋，自己跑入內線。
對面原本mark Brian 嘅小前鋒過左去擋傻韋。
傻韋唔理對面，佢繼續摌。
摌到近禁區佢就轉身入禁區上籃，點知後面嘅Anthony 上前block ，一下拍左出去。
「sor呀，咁都入唔到」傻韋講
「唔緊要，我地宜家入就得啦」我講
阿傑起低線開波，傳左比左側內線嘅我，阿豪又過左黎防我。
我嘗試用crossover過佢，但係佢嘅防守好貼，防到好死。
阿傑見到咁嘅情況都走過黎幫我pick ，我見到咁嘅情況我沒選擇摌入去。
我利用阿傑幫我擋嘅少少空檔自己射個中投,利用個少少嘅空擋一個刷板入網，比數40比42，差兩分就追平比數。
又到番對面開波，阿豪見到比分拉近左佢開始發力，佢過半場之後，叫左Anthony過去幫我pick開傻韋，再一個三分穿針入網，比數40比45。
「唔係路㗎條友，比佢pick一pick好似比泥頭車撞咁」傻韋講
「你唔係好鍾意講人地入幾多分都唔緊要，你會入得多過佢咩，宜家叫曬救命咁，唔似你喎」我講
「啱呀，比個波我，我單打佢，你地拉開對手比我單打」佢好認真咁講
阿傑聽到佢咁講就傳左比佢，佢攞到球就往對面場前進。
過到半場，我舉起5隻手指，用我地嘅暗號叫d隊友拉開比傻韋佢單打。
傻韋拍住波開到中間三分位，準備單打。佢一個crossover想過阿豪，可惜過唔到，阿豪佢防到好貼。
傻韋重係想單打唔傳波，睇黎佢真係好想報仇。
進攻時間重有7秒，傻韋見時間所剩無幾所以貼住阿豪直摌入內線。
入到右側內線，進攻時間重有5秒，傻韋佢轉身用背身單打撞入去，但係阿豪佢企得好穩，無咩比佢撞開。
傻韋見到咁嘅情況佢冷靜左自己嘅頭腦，一個轉身fade-away 。
阿豪見佢出手馬上試圖block shot ，但係block 唔到佢重要食左過犯規，可惜個波無入到，射兩球罰球。
第一球罰球，傻韋吸左一口氣，之後射出去點知炒左。
「sor呀，炒左」佢講
「無事嘅，今球一定入嘅」隊長嘉豪安慰佢
第二球罰球，傻韋又深呼吸左一下之後投籃，今次入左，比數41比45。
之後連續幾球Anthony爆入禁區單打隊長嘉豪，嘉豪連續攞左兩次犯規，比Anthony 攞左10分。我地只有brian爆左下籃之後就無人攞到分同傻韋射左球三分就無人入波。比數拉開到45比55。
第三節重有3分鐘，我，傻韋同brian比人換左落黎休息，對面主力Anthony都落左場休息，得番第二主力阿豪起場上，我地重有隊長同阿傑兩個雙塔起到，可以追下分。
「辛苦曬啦，喝下水先啦」阿晴邊講邊攞水比我地
「好難打呀，對面進攻同防守都好全面」Brian 講
「都去到呢步，我地都唔好輕易放棄啦，打埋落去啦」我講
「我雖然唔識睇波，但係我都睇得出你地好努力，加油呀」詩雅講
「阿健你就好啦，有個咁支持你嘅女朋友，就算唔識睇波都黎幫你打氣，相反我個女朋友唔好話比賽啦，連平時我睇多陣nba都話我唔理佢。」brian講
我只係笑左笑，之後就喝水無理到佢
「有人讚你女朋友我呀，平時你重話我煩啦，你都唔知你幾幸福」詩雅叉住腰笑住對我講
「叻啦叻啦」我講
我知詩雅對我好好，但係我腦海中重有一個人揮之不去。雖然我都已經迫自己忘記，但係鍾意一個人唔係咁容易忘記，但係為左詩雅我都會努力忘記佢。
「阿健，喂，阿健，你發咩呆呀」詩雅講
「無野呀」我講
啱啱好第三節打完，比分52比60。
第四節開始，我依然無上場，而傻韋同brian上左場，隊長嘉豪就番左黎休息。隊長叫我留力打後半節，所以我未上場住。
傻韋同brian呢兩個雙槍休息左一陣就開始火力全開。由於對面阿豪去左休息，佢兩個就連轟幾球三分。迫使阿豪休息左一陣又要出黎。比分61比68，差7分。
隊長叫左下timeout,準備上場。
「重有6分鐘完場，我地重有機會嘅，我地一定會贏嘅」隊長激勵我地
「無錯呀，我地盡力打啦」brian講
「我地嘅一號戰術無用咁就轉戰術啦」我講
「咁用咩好」阿傑問我
「啱啱休息個陣同隊長諗左一陣，佢地嘅內線有Anthony 起到好難打果邊內線，宜外線我同傻韋又會有機會比阿豪貼防。所以我地要用brian同傻韋做雙箭頭，你地兩個左右底線。內線幫佢地兩個，如果阿豪守我嘅幫佢地兩個。阿豪守傻韋嘅就轉幫我擋拆打個pick and roll」我講
「ok！」大家一齊講
「打個氣先」講完隊長就伸左隻手出黎
我地幾個一齊伸出隻手，手疊手咁
隊長望向阿晴叫阿晴都一齊打氣
「1 2 3 鳳凰城中學！」我地一齊高呼學校名
打完氣，個timeout 都完啦，我地出番去開波。
阿傑傳左波比我，我控球過半場，阿豪過左黎守我。
我拉出少少，等阿豪佢回唔切防傻韋果面，之後我傳左比傻韋。
傻韋攞到波之後，阿傑已經準備好幫佢pick，所以傻韋佢順住阿傑個pick跑入禁區。
正當傻韋跳上籃之際，佢記得d野。
「同一招對聖鬥士無用嘅」講完之後佢無上到籃空中傳左比後面比隊長嘉豪
原來Anthony早就跑到佢後面準備block佢，第三節已經試過一次。
嘉豪攞到球之後扮射波引左起右面防緊brian嘅小前鋒過去防左。
隊長嘉豪一個彈地傳左比brian，brian佢直接三分起手，應聲落網。比數64比68。
之後我地兩隊人都出盡全力，打到最後兩分鐘左右，比數去到70比73分。
「差三分炸」傻韋講
「但係到佢地進攻，一定要守住嘅球」隊長嘉豪講
對面開波，佢地慢慢過半場，睇黎佢地想用足24秒。
阿豪控住球到中間三分位，傻韋走左過去守。
阿豪拍住波等時間過，差唔多時間佢就叫左Anthony 過去pick。
「又黎」傻韋講
傻韋直接比Anthony pick開，阿豪就直接射波，一個刷籃入左，點知原來阿豪佢踩線，所以當兩分，比數70比75。
「次次都係咁」傻韋講
「冷靜d，重有機會」我講
阿傑一個快開，唔比時間曬。我都快速跑過半場。
今次阿豪無防我，走左過去防傻韋，咁我就用暗號叫隊友拉開，我終於要show time 啦。
我座低個人用一個大覆度嘅crossover 嘗試搵空位過佢。
終於搵到空位我直接過佢，但係佢重起後面窮追不捨，我無理佢直接一個上籃。點知我跳起果陣比佢用力一撞，撞左落地，
痛楚令到我都無睇到自己球波有無入到。
裁判吹左佢犯規，我啱啱個球都有入到，未射罰球低下，比數72比75
「阿健！」詩雅邊講邊跑過黎阿晴都緊除其後。
「有無事阿，唔好吓我呀」詩雅強忍淚水對我講
「無事嘅，你番去先休息區先啦」我忍住左腳嘅痛楚笑住同佢講
我望住阿晴，用眼神提示佢拉走詩雅先。
阿晴佢估到我唔想詩雅擔心先嘅講，所以佢拉開詩雅，帶佢番去休息區。
「死得未」傻韋講
「隻左腳好痛呀，唔知重打唔打到」我講
「唔緊要㗎，我地會出埋你果份力」阿傑講
「隊長，可唔可以比我打埋場波先」我講
「你自己睇住呀，唔好因為一場波......」隊長嘉豪講
「只少比我射埋球罰球啦」我講
「好啦....」佢講
我忍住痛楚，企起罰球線上。
我深呼吸一下，輕輕咁投出嘅一球，清脆嘅入網聲令到比分拉近到73比75。
啱啱好對面叫左個timeout,我就比一叫左落場。
我攞左d冰膚住隻腳，詩雅知道我唔想佢喊所以佢強忍淚水，幫我攞冰膚。
對面開波，佢地慢慢用盡時間，最後比左Anthony 單打，佢直接上籃得分，73比77。
最後30秒，阿傑快開比傻韋，阿豪好快就走左過去防佢。
阿傑見到咁嘅情況接過去幫佢pick,傻韋見到咁嘅情況就走到中左側三分線，對面防唔切，比傻韋一個三分穿針比數76比77。
時間重有15秒，對面開波，我地隊友已經準備好犯規。
犯第一次規對面中場開波，對面開波拍左幾下我地又犯規，送左阿豪上罰球線。
只要佢有一罰唔中我地重有機會，就睇下佢係咪大心臟球員。
佢第一罰入左，比數76比78。
第二罰，佢深呼吸一拋彈番出黎。
兩隊人都一齊跳起搶籃板，阿傑成功攞到，我地隊馬上用埋最後嘅time-out 。
「最後10秒最後一球波」傻韋講
「一定要射三分，射兩分打加時我地無左阿健一定輸㗎」brian講
「唔好意思..」我講
「最後可唔可以比我出場」我講
「你真係上到場？我唔會務咁大嘅風險比你上場」嘉豪講
「呢個我嘅決定黎，就當我求下你比我上場啦」我講
「你要小心d」嘉豪講
「多謝隊長！」我講
我準備行出去果陣有隻手捉住我。
「你真係要落場比賽？」詩雅問我
我點左下頭，之後摸左一下佢塊臉一下
正式開波，我叫阿傑傳比我，但係佢無咁做到，佢選擇傳比傻韋。
阿豪完全守死傻韋唔比佢起手。
最後5秒，傻韋傳左比我。
我基本上已經痛到crossover唔到，我攞住個波停左起到。
最後3秒....
最後2秒....
Brian過左黎幫我pick,我見到咁嘅情況馬上射出三分波。對面見到我就起手都上前犯規，可惜球已經出左去。
痛楚令我睇唔清前面，我完全係利用自己身體記憶射波。
因為對面防守者打到我手咁情況下，個籃球沿住框打圈，最後成功入網。比數79比78，成功絕殺。
罰球都唔洗射埋就贏左，我地全隊人都叫囂。
終於打贏左，眾人既歡笑伴隨住我嘅倒下而消失。