風之軌跡（校園，戀愛，籃球）: 愛情 籃球 攻防戰 下

對面開波，由anson控球。

「等我mark佢」brian 講

佢哋兩個嘅身形差唔多，應該可以守到anson佢

Anson帶波過半場，brian上前防守。

「換左人喎，但係結果都係一樣」anson講完呢句就想左邊突破。





「無咁易」brian一手將佢個波拍走

個波彈到去我附近，我直接攞起個波過半場。

佢地回防好快，打唔到快攻。

「我唔會比你過到去㗎」anson走番過黎mark我

「都無諗住過你」我一完就直接拋個波去籃框前





「傳得好呀！！」brian一個飛身alleyoop灌入籃框

比數4比10。

「keep住個氣勢，我地一定會贏」brian舉起左手指上天慶祝

對面開始亂，射失左球波。

到番我地進攻，我過半場傳左比傻韋。





brian過左去pick,傻韋利用個pick上前吸引左對面嘅目光。

傻韋傳番去後比brian,一pick一pop就射入三分。

比分7比10。

之後一來一往，比分都無再拉近，比數去到15比18,差三分就輸，重要係對面開波。

Anson再一次控波過半場，brian上防守。

brian緊貼上前防守，防止佢三分起手。

「小心有pick呀」我呼叫brian提醒佢有單擋

Anson見單擋唔到，佢唯有硬闖入禁區，




但係brian重係死守唔放。

24秒就過，anson佢見時間就到，唯有一個高難度嘅fade-away 射出去。

brian馬上跳起試圖block shot佢可惜只係手指刷過籃球邊。

籃球沿住籃球框旋轉，最後應聲入網。比數15比20，最後一分。

「你係唔會贏到我嘅，唔理起籃球場上定係愛情上我都會打敗你」anson大聲高呼

我望向阿晴，我見到佢重起到祈禱為我加油。

「你唔會輸㗎，宜家放棄太早啦，以前嘅你唔會輕易放棄㗎，就算跌倒幾多次你都唔會放棄」看台上嘅詩雅高聲呼叫

以前？我以前識佢咩？





唔理咁多啦，放手一搏啦，我唔會比嘅場比賽以輸黎落幕。

我控住球過半場，anson依然死守住我唔放。

「我唔會比你過去」佢對我過

「我唔同你，我有嘅係隊友」我回完佢之後一個彈地嘅傳球傳到左側嘅brian手上。

brian攞到波之後一個step back 到三角位三分線後一個起手，直接穿針得分，比數18比20。

「可能今球係最後一球，一定要守住」傻韋講

「都打到咁嘅情況，輸左會好無面㗎」brian笑住講





「沒錯」我覆佢地

又到對面開波，果然最後一個進攻都係anson黎做，brian馬上上前防守。

「阿健你上去double team佢，我會守住其他人」傻韋對我講

我聽到之後馬上上前double team 。

「垃圾多幾個都係垃圾，等我一個打爆你地兩個」anson對我地講

我伸手想偷佢波比佢換手插花避開左，brian見到佢換手馬上上前用雙手捉住個籃球，anson反應都好快咁用雙手捉住個籃球。

咁嘅情況營成jump ball嘅局面。

阿sir 走左過黎準備跳球，anson同brian兩個人都過左去準備。





個波拋上空中，佢地兩個用盡全力跳上去。

結果係brian跳贏左，拍左個波向後比我，但係自己重心企唔穩跌倒起地下。

「我盡力啦，靠你地啦」brian對我地講

我控波過半場，anson又企起我面前防守。

「結果都係一樣㗎，輸就係你嘅命運」佢對我講

「我唔會輸比你，唔理咩都好，我都唔會輸比你」

我講完之後伸手想射波，佢見到咁嘅情況馬上跳起防守。

我見fake 起左佢，馬上跳過去左邊一個三分出手。

個波起後框位彈左幾下，全場屏息以待。

最後個波彈入網中，應聲落網，全場不斷叫囂高呼。

「真係贏左？」我望一望比分，21比20。

「我地贏左啦！」傻韋邊講邊扶起倒地嘅brian

「無可能，我無可能會輸比你地」anson同我地講

佢講完馬上離開球場，一面接受唔到現實嘅樣離開學校。

「我都話你會贏啦，只要係你就唔會輸」詩雅從後抱實我對我講

我d隊友見到咁嘅情況都紛紛散去

我望去阿晴，見左佢手上攞住條毛巾本身想行過黎，但係佢見到詩雅抱住我就轉身離開。

見到咁嘅情形我個心痛左一痛，究竟我做緊d咩？我又為咩宜咁努力打嘅？

「我.....」我正想推開詩雅去追阿晴，我對佢講


「阿健我愛你，你唔好離開我」詩雅走到我面前眼有淚光咁對我講

我應該點做好？