風之軌跡（校園，戀愛，籃球）: 決擇

「.....唔好意思.........我」我唔知點同佢講好

「我知㗎，你去追阿晴啦，經過今日我都估到你鐘意佢，但係我唔會放棄」佢邊刷走眼淚邊對我講

我聽到佢咁講我就跑去追阿晴

我回頭望向詩雅，佢一個人企左起原地，唔知點解又有熟悉嘅感覺起我身上湧出黎。

「我以前係咪識得你㗎？」我邊跑邊回頭問





佢無答我，只係苦笑左一下，佢嘅眼淚又再一次落下。

我都唔知點好，唯有繼續上前追阿晴。

終於起學校門口見到佢。

「阿晴，阿晴」我大聲叫佢

「阿健你點解起到㗎，你唔係......」佢細細聲咁同我講





「記唔記得我差你一次草莓蛋糕，我係黎還番比你㗎」我上氣唔接下氣咁同佢講

「傻瓜，啱啱打完波重要跑過黎搵我，就係為左草莓蛋糕？你會唔會太傻呀」佢笑住咁講

佢講完之後從袋中攞左條毛巾比我

「全身都係汗啦，去更衣室先啦」佢對我講

佢講完我先發現自己原來超污糟，但係詩雅啱啱都重係抱得我好緊。





我行左入更衣室淋左一淋個人，諗番起啱啱嘅事，我有無做錯到呢？我自己都唔知道。

換完衫出番去見到阿晴坐左起更衣室門外。

「之前又話9秒9換完嘅，今次做咩咁耐」佢笑住咁串我

「咁你都記得，好彩無差你錢炸，如果唔係實比你追一世」我笑番佢

「啱呀，你唔好差我野呀，我會記一世㗎」佢對我講

「宜家咪還比你囉」我覆佢


我同佢離開學校行上去商場





「最後果球絕殺幾型喎，同1989年Michael jordon首輪第五場絕殺騎士差唔多」阿晴對我講

「運氣先係贏到今場嘅關鍵，好彩先入炸」我覆佢

講下講下又行到上去商場，行入去商場轉多個彎又到甜品店。

「今日好似無咩人排喎」我對佢講

「唔通賣曬？！」佢覆我

阿晴佢走去前面望左一望，然後一臉失望嘅表情望住我

「睇黎你要差我一世啦」佢用失望嘅表情對我講

「反正上左黎，不如飲坐野先走啦，打完波有d口渴，最多我請你啦，當還息」我安慰佢





「好呀落下有間野賣嘅野飲幾好飲㗎」佢笑住回覆我

「變得咁快嘅，你可以去做川劇變臉大師」

我地落左去買野飲，買完又上番琴日果位坐

「話說好少見有女仔鐘意籃球喎，你係咪外星人黎」我對佢講

「小學果陣，放學果陣經過籃球場見到有個細路同個中學生1on1,明知輸緊都要打，需然唔知點解要1on1,但係我覺得佢好型，所以鐘意左籃球」佢覆我

「有人咁傻？」我笑住回答

「就係有人咁傻，籃球先好睇」





「好啦，差唔多番屋企啦」佢企起身講

「聽日星期六唔洗番學，下個星期見啦」

講完之後我就去坐車番屋企