風之軌跡（校園，戀愛，籃球）: 愛情 籃球 攻防戰 中

大家都埋好自己嘅位置，突然有個人走左過黎。

「你今日輸緊，今日呢場波由我mark你，你唔洗指以入波」果個男人同完我講之後就番番去跳球

阿sir 一開波，就由啱啱果個男人攞到波。

佢一個人衝過黎，我地嘅中鋒無佢咁快，直接過左佢。

我地過去補防都補唔切，比佢一個灌籃灌爆我地籃低，比數0比2。





全場不斷叫囂，佢嘅fans不斷叫佢個名「anson anson」原來佢叫anson。

到我地開波，一黎就開左個波比我，但係估唔到我未過半場anson過黎mark我。

「係咪驚呀，1on 1啦」佢對我講

明顯地體能上我會輸佢，1on 1我會無氣快過佢。所以要用腦，唔好比佢挑釁到。

我無比佢挑釁到，傳左比過左半場嘅傻韋。





「垃圾單挑都驚，等等就打爆你」佢對我講

傻韋攞到波之後又比對面mark 死左入唔到三分線內。

我地中鋒過左去pick,傻韋想利用個pick 擋住之後射波。

一射出去直接比佢地嘅內鋒一個block ，比起後面嘅anson攞到。

我地半場除左我之外已經無人可以番到去，睇黎真係要1on1啦。





Anson帶波跑快攻，我上前擋住。佢一個crossover 想過我，但係過唔到。

佢見過唔到就直接利用身體優勢撞入去，我依然唔放棄死守。

但知佢一個fade-away 穿針，比數4-0。

入完球重要好串咁對我舉起食指左右擺。

之後我地都係捱打狀態，比佢地打左一波10比0，又到我地開波。

開始放棄嘅我聽到看台有把聲大叫「阿健，加油呀，你一定會贏㗎。」

我望上去係詩雅大叫，唔知點解呢個場景好熟悉，好似以前都發生過。

我聽完佢嘅打氣之後，我感覺到信心大增。我再望向計分版嘅阿晴佢合實雙手好似為我祈禱咁，我就知我唔會放棄。





我帶住球過半場，我明顯見到anson佢比起之前嘅防守弱左，可能佢開始無氣。

今次我無逃避，選擇正面過佢。

我一個crossover衝入去， 再加一個急停。佢就比我ankle break ，成個人倒起地下。
我見到咁嘅情況直接射個大空檔2分。

點知我炒左，個波彈番出黎。

我地嘅中鋒上前補籃，直接一個灌籃補番球波，比數2比10。

點知我地中鋒落地果下扭到隻腳，我地馬上停止比賽。

「唔好意思，睇黎我打唔到啦」佢同我地講





「我地知㗎啦，好波啦，下次再一齊打」我對佢講

講完之後佢比人送左去醫療室。

「睇黎你地唔夠人喎，直接當你地輸啦」anson從地下企番起身講

「........」我無言以對

阿sir都過黎講話唔夠人就當輸，反正輸贏都無問題，打得好就可以入校隊。

可能琴日嘅我會放棄比賽，但係今日嘅我根本就唔係為左入校隊而戰，我要保護我想保護嘅野。

「我想打波喎，你地係咪少1個呀」係brian把聲





「Brian 你已經係校隊黎，你又打？」阿sir 同佢講

「我手痕呀，反正你都話輸贏無關係，咁咪比我打下波當練習囉」brian覆番佢

「好啦比你打啦，你地o唔ok?」阿sir 問我地隊

「當然無問題啦」我覆佢

阿sir 行番去場邊，又開過波。

「啱啱阿晴同我講左啦，係佢叫我幫你㗎，兄弟」brian對我講

我望向阿晴，佢笑住對我舉起手指公為我加油。

我唔可以輸。