風之軌跡（校園，戀愛，籃球）: 愛情 籃球 攻防戰 上

食完飯之後，我地三個又行番去學校。全程我同詩雅都係拖住手行，明明阿晴就起我格離。

「我係咪做緊電燈膽，阻住你地呀，早知走先啦...」阿晴對我地講

「無所謂呀，我地朋友黎，怕咩」詩雅同阿晴講

見到阿晴無奈嘅眼神，我都於心何忍呢。

「詩雅你唔好太過份呀」我終於忍唔住講左出黎





佢聽到我話佢，就眼泛淚光鬆開我隻手跑左番學校，正低我同阿晴起原地。

「發生咩事呀，我好似做左衰人咁嘅」我對阿晴講

「你追番佢先啦，唔洗理我㗎」阿晴對我講

「好啦....」點都係我搞喊佢在先，唯有追番佢啦

跑到番學校，見到詩雅嘅身影，我咩都唔理，跑左上前。





「對唔住呀，啱啱唔應該發你脾氣」我上前同佢講

佢轉身抱住我，起佢抱住我嘅時間我見到佢嘅眼淚已經不斷落下。

我唔知點解佢咁大反應，又唔知點解佢對啱啱轉校嘅我咁大反應。我只係知呢一刻嘅佢我好想保護。

我用手幫佢刷走眼淚，不斷道歉，見到佢冷靜番我就拖住佢隻手行番上去課室。

正好比後面嘅阿晴見到呢一幕.......






番到去課室，brian用奇怪嘅眼神望住我。

正當佢要開口問我之際，佢見到阿晴起後面，所以佢停止左。

我坐番起自己個位叭低起張枱到，不斷沈思，沈下沈下又沈左落夢鄉。可能我係想利用訓教黎拒絕現實啦。

話咁快就黎到放學時間，決勝時刻。

「起身啦，阿健！」一把溫柔嘅聲音叫醒我

佢用手拉住我衣袖，試圖叫醒我。

我起身一望，原來係阿晴叫我。





我望一望時間，原來就開波啦！

我唔理三七廿一跑左落去更衣室換衫，9秒9衝出黎。

「咁遲呀，以為你唔黎」傻韋射住波對我講

「養精蓄銳嘛，今日一定要贏呀」我覆佢

「唔係咁易㗎葉師傅」佢笑住同我講

「我有一定唔可以輸嘅理由」我好認真咁同佢講

「加油呀，我會睇實你㗎」詩雅唔知由邊到跳左出黎

「你咁快就無事嗱」我嗆佢





之後再保番一句「今日我一定會贏㗎，為左你」

佢臉都紅曬講左兩句知啦就行左去看台個邊坐底。

我都係第一次見佢會臉紅，其實佢都幾可愛。

「阿健，唔好輸呀」阿晴走左過黎對我講

「盡力而為啦，詩雅唔起到我先同你講，我完全無把握贏到」我同阿晴講

「你得嘅，你係風之子黎㗎，比d自信。最多琴日個草莓蛋糕唔洗你還啦」佢笑住同我講

為左佢嘅笑容，為左第二個佢唔再流淚，今日起球場上嘅我要化身做籃球之神。





「多謝你嘅鼓勵，我會贏㗎」我覆番佢

「加油呀！阿健」佢講完之後行番去計分板果到

「咁多女呀，健神，請受徒兒一拜」傻韋講笑咁講

射左幾球波，又正式開波啦