風之軌跡（校園，戀愛，籃球）: 一日男友 下

番到學校，詩雅都重係拖住我隻手唔放。周圍嘅同學望我地嘅目光放左兩種，一種係奇怪嘅目光一種係仇視嘅目光。

沒辦法啦同校花拍拖唯有飽受哩d目光，但好唔好彩比一個我最唔想見嘅人見到。

「恭喜曬喎，番左兩日學就同校花一齊，我幾有天分做月老喎！」阿晴笑住同我地兩個講

「唔係你諗咁呀，其實」我正想講個事實比阿晴聽就比詩雅打斷

「係呀，好彩有阿晴你炸，沒你我都唔會識得阿健呀」詩雅對阿晴講





阿晴聽完之後就笑住話有野做行走左

我用仇視嘅眼神望住詩雅，同佢講「點解啱啱唔比我解釋呀，今次水洗都唔清啦」

「學校有好多線人㗎，一陣比佢知我地係假嘅，佢又會煩我。」佢同我講

「我同你嘅約定得一日炸，只後咪變番一樣」我同佢講

「我自然有方法啦，只要你今日贏到佢，佢就唔會煩我。」詩雅好認真咁同我講





我見佢咁認真我就廢事追問。

由於佢係格離班，所以行到去我課室門口就分道揚鑣。

佢突然拉住我住我嘅臉上親左一下

「你做咩呀」我比佢嘅舉動嚇親

「你係我男朋友嘛，好正常姐，雖然我係第一次....」佢一講完就紅住臉咁離開





宜咁啱咁，比阿晴見到呢一幕，今次真係水洗都唔清啦


今日全日上堂我都無同阿晴講野，我都唔知係我避開佢定係佢避開我。但係只要過左今日我就會同佢解釋啦。

到左食飯時間，阿晴又一支箭咁走左出去食飯。

「琴日你地都好地地㗎，咁快就玩完呀，兄弟」brian同我講

「我同佢有d唔會姐，聽日先可以解釋」我回番佢

「加油啦，兄弟」佢笑住同我講

正當我想企起身落樓下買飯之際，我見到詩雅走到我地班門口





「哇！估唔到我地學校從來都沒人追到嘅校花走左過黎我地班喎，琴日蛋糕店果個收銀咪佢囉，你記唔記得佢呀」brian 佢同我講

「聽講今朝佢同個男仔一齊番學，拖曬手咁，睇黎有人成功做人民公敵」

我對住brian 苦笑左幾下

詩雅見到我佢就一步一步咁走近，我當然扮見唔到啦

「哇！佢好似行緊過黎喎，兄弟」brian對我講

終於佢行到我格離同我講「阿健一齊上去商場食飯」

佢講完之後已經直接拉住我隻拖我上去。

Brian 睇到目定口呆，完來佢啱啱講嘅人就係我。





琴日行過相同嘅路，但係行嘅人唔同左。

「商場有間餐廳幾好食㗎，我成日阿晴上黎食」佢同我講

佢重好意思同我講阿晴，今日已經水洗都唔清，但係我應承左做一日男友，唯有hea 回佢「是但啦」

一坐低餐廳我已經發現大事不妙，同一間餐廳裹面居然有幾個最唔想撞到嘅人———阿晴同今朝個男仔。

今朝個男仔佢行左過黎同我地兩個講「詩雅你講左嘅野有算數呀」

「我講得出做得到」詩雅對佢講

我成頭黑人問號咁唔知發生咩事





個男仔就同我講「詩雅佢應承左如果你今日打輸嘅話佢就做我女朋友，我輸左就轉學去之前請我打波果間體育名校」

唔係玩咁大卦，邊打得贏呀

「見到你地兩個我就無咩胃口，食過第二間」佢講完之後同埋佢班fd一齊走左

「你點解要應承佢呀，玩到咁大？」我同詩雅講

「我相信你，其他人唔一定做到，但係你一定可以」佢又好認真同我講

「你地發生事呀，點解果個男仔會咁講嘅」阿晴走左過黎坐左起詩雅嘅格離

「佢一直想追我，阿健佢幫我趕走佢炸」詩雅終於講左句人話。

「你地係假㗎？」阿晴露出驚訝嘅表情





我當然話係假呀

「我重以為我嘅月老技術咁勁」阿晴笑住咁講

「又唔係假得曬嘅，我真係幾鐘意阿健你㗎」詩雅直接咁對我同阿晴講

啱啱先洗左低，你又玩野！