【穿越】【三國】 流離者(不定期更新): 59

郭嘉說着說着自己陷入一片混亂，早已無暇理會我這位聽眾。

她講嗰堆嘢，老實講我都唔係好明，但係聽佢咁講，我存在嘅時空可能就係郭嘉搞出嚟，噉我哋究竟係咩？郭嘉想像出嚟定係異世界人呀？噉我而家究竟係咪又改變緊歷史？我屋企人甚至原本嘅世界會唔會消失？

大量的信息的湧入，衍生出無數的問題，無數的問題又在我狹小的腦袋中牽起狂風，弄得我頭痛欲裂。

「傾咩呀，你諗都唔洗諗啦，郭嘉係阿瞞條女嚟㗎！」師父的聲音闖進我的腦海。

「吓……痴線，我對佢一啲意思都冇！」我隨即看向曹操的方向。





「阿韋，你又亂講嘢……」雖然曹操聲線依舊嚴肅，但臉上早已通紅。

「哈哈哈哈！你睇你咁就面紅點抱得美人歸呀？早就叫你多啲同我去青樓㗎啦，又話嗰度啲女子人盡可夫，第時你就知人妻先好，哈哈哈哈！」典韋毫不留情地揶揄。

曹操彷彿有口難言，任由面頰繼續通紅，不知是因為害羞還是惱怒。

「而家附近係咪已經冇曬其他軍營嘅士卒啦？」典韋突然嚴肅起來。

「睇嚟冇曬。」曹操四處張望後說。





「以我所知，趙文一直喺公孫軍營，要落手就最好趁白馬義從全部出征嘅哩個時間，等佢哋翻曬嚟就咩機會都冇。」師父認真分析。

「我哋兩個去就得，無理由要曹家軍咁多條命同我哋冒險，所以阿瞞你要出去前線參戰避嫌，如果我哋失敗咗你就要睇情況選擇去定留。」師父續道。

「好，我明白，去定留等你翻嚟再決定！」曹操回應

「其實我自己都搞得掂！」雖然我真係好想咁講，但單憑我一個就連潛入去都未必成功，我只有厚住面皮接受佢哋嘅好意，我話嘅，以後邊個講曹操同師父壞話我一定一拳中落去……







「曹大人仲有一件事想拜托你，呢把劍其實唔係我嘅，應該係屬於趙雲嘅，我希望你有機會幫我還比佢。」我遞上青缸劍。

「趙雲我就唔熟，我幫你保管住就可以，要還你第日自己還！」曹操回應道。

我們一行人回到曹操軍休整，我與師父換上一身黑色緊身衣，準備出發。

郭嘉突然走了過來，把一樣東西塞進我手裡。

我認真一看，原來是那銀懷錶。

「我已經唔清楚而家係咩情況，更加唔知我哋究竟翻唔翻到去，但我仲驚嘅係翻唔到嚟，如果我要我以後見唔到嗰個人，我寧願哩世都唔翻去，我越諗越驚，我唔想再攞住哩舊嘢啦，如果你唔想要就掉咗佢。」郭嘉一臉憔悴。

「你咁就放棄？」我疑惑道。

「將來點我咩都唔知呀！我只係唔想失去依家嘅嘢！」郭嘉激動的說。





我亦不多說半句，因為未知的恐怖我最為明白。

我默默把懷錶放進口袋中。

不久後，郭嘉就隨曹操出發了。





我和師父整理裝備，墨犬一直在旁蓄勢待發。

「差唔多出發啦！」師父催促着。





「知啦，等多我一陣。」我倉皇選好木板，把其餘的丟掉。

我整理好裝備後，緩緩走到墨犬跟前，緊緊地擁抱了他一下。

他顯然是有點錯愕，但卻不像往常般把我推開。

「多謝你幫咗我咁多次，你一直係我最好嘅戰友，今次我同唔到你一齊去，畢竟潛入帶住隻馬好揚加嘛。」我向墨犬道謝。


「有人更需要你喺佢身邊，你去搵翻你嘅屋企人啦。」我拍一拍墨犬馬屁。

墨犬跑了數步，又突然停下來回頭看一看我，彷彿在跟我道別。

墨犬很快就消失在眼中，但他永遠會在我腦海中停留。





故事中英雄百戰百勝，但又有誰能知道他們的憂傷。