【穿越】【三國】 流離者(不定期更新): 58

「帝制冇完結過？」我一臉疑惑地重覆着郭嘉所說的句子。

「嗱嗱嗱，暗喻唔係咁亂用㗎，小心翻到去拉你去打靶呀！」我譏諷道。

「帝制的確係冇消失過，直到我翻嚟之前個一刻都仲係越王朝，唔通……」郭嘉摸著下巴沉思，接著又慢慢露出微笑。

「唔通我哋根本唔係嚟自同一個時空？雖然平行時空學說早就成為咗主流，但係如果我而家發現到第二個時空嘅人，咁我咪係第一個證實到平行時空論嘅人，咁呢鑊我仲唔攞硬墨翟物理學獎。」郭嘉邊舞足蹈邊自言自語，彷彿發了瘋似的。

「阿郭小姐，你唔好癲住，我完全唔明。」我無奈的說。





「呀係喎…我估我哋兩個係嚟自完全唔同時空嘅人，所以我哋先會有完全唔同嘅歷史背景，我啱啱先知所以有啲興奮，唔好意思。」郭嘉終於平靜下來，跟我娓娓道來。

雖然郭嘉講得顯淺易明，但我卻感到一種說不出的奇怪。

我默默沉思了一下。

「你話我哋嚟自完全唔同嘅時空，但我哋咁理所當然然嘅相遇唔係好奇怪咩？」我衝口而出嘗試我心中的疑惑說出來。

「咁又有咩奇…怪？」郭嘉欲言又止。





「你可唔可以由第一個朝代開始數比我聽？」郭嘉突然嚴肅起來。

「三皇五帝夏商周，春秋戰國亂悠悠，秦漢三國傳兩晉，南朝北朝是對頭，隋唐五代…….」我背誦在中史課時老師教我們的速記朝代詩。

「你可唔可以再幾你所知關於三國嘅歷史都大概講我聽。」郭嘉再問。

「十常侍，之後就到黃巾之亂……」我概括的說了一些我所認知的三國歷史。

「夠啦…睇嚟我哋唔係嚟自完全唔同嘅時空…」





「而係嚟自兩條分枝既時間線…」郭嘉低頭沉思。

「吓，我都唔明你噏乜。」我一頭霧水。

「即係直頭我而家身處嘅時代之前，我哋嘅歷史都係一樣，但我哋嘅未來係完全唔同，換言之歷史因為某啲原因係我哋呢個時代分裂咗。」郭嘉嘗試向我解釋道。

「但係如果我哋係分裂嘅時間線，咁而家究竟係我穿越咗你條時間線定你穿越咗我個條時間線呀？咁即係話就算我翻到去現代都未必係我自己嘅？我真係唔知呀…」郭嘉原本興奮地向我解釋着，解釋途中又突然咬著姆指頭自言自語，宛如一個瘋子。

「話，我仲覺得歷史上嘅郭嘉咩都計到好癲，點知真個個係真癲。」我沉吟道。

「你話歷史上嘅郭嘉？」郭嘉突然瞪着我看。

「係呀，我話你係歷史到算無遺策好勁，幫曹兄平定歷天下威到盡。」我急忙打圓場。

「我嘅歷史上根本冇個叫郭嘉嘅人存在，甚至整個歷史上都唔見有，我認識叫郭嘉嘅人就只有我。」郭嘉面色更為陰沉。





「唔通，係我令時間線分裂，甚至係我改變咗歷史？但喺我哋兩個嘅歷史中呂布都冇咁早死，咁即係點？咁我仲翻唔翻到去？又翻唔翻到嚟？如果舊嘢失控會點？」郭嘉把姆指頭咬得更狠。

看到郭嘉抓狂的行為，亦令我跟着擔心了起來。

難道我身處的世界是郭嘉穿越改變後的世界，但又與她原來的世界大相逕庭，那我的存在是真實的嗎？呂布的死又代表了甚麼？

恐懼源於未知，而時空這片領域正正存在着數之不盡的未知，但願那些未知不會帶來恐懼。