【穿越】【三國】 流離者(不定期更新): 57

呂布把張飛弄個人仰馬翻後，怒瞪關羽劉備二人，二人嚇得不敢動彈分毫。

此時呂布氣勢更盛，壓得周遭的人都透不過氣。

「小玉，佢有冇整親你，大哥而家就幫你殺曬佢哋。」呂布盛怒的臉轉瞬變得和藹可親。

「你唔好再咁樣叫我，好噁心，我早就捨棄咗呢個名！」縱使丁雲玉/趙雲顯然極其厭惡。

「點都好最緊要你冇事，哩度好危險，你要殺我都喺第二道先。」呂布好言相勸。





「你仲以為我係當年嘅細路女呀？係你大錯特錯，呂布！」丁雲玉/趙雲話未說完就持槍向呂布攻了過去。

此時我腦海中不是關心這對兄妹的情仇，而是沒法從印象中那在各類作品中威風凜凜的趙雲與那個任性公主聯繫起來。

算啦，佢話自己係趙雲咪趙雲囉。

「乖啦小玉，咁會整親自己㗎。」呂布一邊從容躲避一邊說。

趙雲聽到呂布的說話亦無一絲動搖，再來一記刺擊。





呂布側頭避開，長槍一刺落空，槍柄被呂布反手抓着，再一扭，趙雲頓時失去長槍的主導權。

「你番去啦，你殺我唔到。」呂布搖長槍還給趙雲。

此時一記掃擊向趙雲掃去，呂布以戟槍檔，豈料槍首又回刺向呂布後背，終於令呂布流下第一滴血。

關羽亦在趙雲身旁揮刀襲向呂布，呂布倉皇用戟柄檔開，此時劉備亦從趙雲身後鼠出，雙劍在呂布腰間劃出兩道血痕。

雪兔為恐傷到趙雲亦不敢亂作攻擊。





「丁公主…唔係趙將軍先啱，果然巾幗不讓鬚眉，我等三兄弟助你報父仇。」劉備義憤填膺地說。

劉備三人此時彷彿得到免死金牌，在趙雲身旁對呂布處處進迫。

乘呂布不知從何下手之際，關張二人側從兩旁以槍刀夾擊。

呂布雖然避得開直刺，但避不開回槍。

他雖然檔得了大刀，但又保持不了平衡。

劉備見機不可失，亦雙劍刺向呂布。

雪兔眼看主人危在旦夕，正想以頭角頂開劉備。

正當雪兔低頭頂向劉備時，劉備兩劍狠狠刺在他無馬鎧覆蓋的後頸位置，明顯地，劉備早就有此一著。





兩劍深深的刺穿雪兔後頸，雪兔隨即單膝跪下

「趙將軍，要報父仇，在此一刻！」劉備說完後。

「呂布！」趙雲持槍向呂布猛力一刺。

長槍一下子把呂布胸口貫穿，乾脆利落。

「小玉，對唔住大哥唔能夠……」話還未說完，血液從呂布口中湧泉而出。

趙雲拔出長槍，呂布緩緩從馬上跌下，雪兔在劉備拔出雙劍後倒下。

此時我不知道是不是腦子有問題，竟然縱馬到呂布跟前。





「唔好出聲！…你就當哩個係我最後嘅請求，我預祝你大仇得報。」當我正想開口之際被呂布阻止。

「可憐黃隨風擺，君子騰龍戰不敗。」趙雲低吟。

「吾乃常山趙子龍，父仇在此得報！」趙雲仰天長嘯。

此時我默默地看着呂布呼出最後一口氣。

趙雲那長嘯響徹雲霄，彷彿連我得心也一同貫穿。

如果真相只係會帶嚟痛苦的話，咁仲需唔需要知道？


「你又邊位，笠住件大衣唔見得人呀！」關羽大喝。





「你哩個侍從咁斗膽亂咁走，唔好意思呀關將軍，佢第一次上戰場，大人不記小人過。」郭嘉急忙過來打圓場。

「算啦，唔好理啦，殺咗呂布哩件大功夠曬啦，我哋嘅戰場唔喺哩邊。」劉備制止關羽。

隨後劉關張三人帶趙雲離開戰場。

「呂布真係死咗？」郭嘉呆望着屍首。

「呢度好危險，翻去先。」曹操一把拉走郭嘉

「我哋都要行啦，你想搵趙文報仇唔係諗住正面衝去佢軍營呀？要搵佢報仇，緊係要暗殺啦！」典韋一把把我拉走。

「但係……」

「但咩係，徒弟嘅仇，師父唔幫咁我個名仲洗要嘅，不過阿瞞就可能畀我哋拖埋落水啦。」典韋不等我把話說出口





「李兄弟之前有恩於我，有恩不報我個名都唔洗要啦，更何況你仲係我兄弟既徒弟，計埋你仲要叫我聲師叔，哈哈哈哈！」曹操大笑起來。

典韋隨即亦跟着大笑，兩人笑作一團。

我亦笑了起來，笑得哭了起來，一滴一滴淚珠不斷地從我眼角中落下。

冷風凜冽，呼聲悽寒，這一丁點笑聲，卻令我無比溫暖。








「呂布唔係應該係令曹操打輸官渡之戰既重要原因咩？佢唔係最後兵敗先被袁紹斬首咩？」郭嘉突然在途中問道。

「係喎呂布唔應該咁早死，唔通同套火鳳一樣呂生有好多個分身？」我亦陷入沉思……

「等陣先…你話呂布累到曹操輸咗官渡之戰？仲係比袁紹殺嘅？你唔熟歷史都唔好咁離譜，唔通最後袁紹統一天下呀？」我譏諷郭嘉。

「袁紹統一有乜問題？同埋你話我唔識歷史？我讀history 㗎！」郭嘉一臉茫然。

「吓，咁你即係話下一個朝代唔係晉朝？」我開始懷疑我熟知的歷史是否有錯漏。

「你講乜呀，趙王朝你唔好同我講你唔知係乜」郭嘉更是疑惑。

「咁你話我聽中國幾時完結帝制？」我開始有點不耐煩。

「咩意思？中國嘅帝制邊有完結過？」