【穿越】【三國】 流離者(不定期更新): 53

兩隊人馬分道揚鑣，各自向目的地出發。

只聽到張遼所帶領大隊那邊戰鼓聲雷動，號角聲通天，方圓十里地方都應該能聽到。

突擊小隊先回到發現我的地點，我再憑着記憶一步步的為呂布指路。

幸好當時他們抓住我的時候並沒有離開原地，加上當我懷疑被騙之時有仔細認路，我才能準確的為呂布引路。

一直走，我們終於到了那遍高林，再走了不久，終於找到那宛如大門的兩棵大樹。





「哩度竟然有條小道，果然隱蔽，高順先派人到小道內查探一下，千萬要隱密行事。」呂布吩咐道。

但呂布軍並沒立刻進入小道，反而是先找了一個視野清晰的地方休整。

一日後便看到遠方有狼煙升起。

「狼煙升起啦，而家出擊？」我問道。

「唔係。」呂布淡然回答。





「吓，點解唔即刻出擊？」我有點着急地問。

「以李兄弟嘅才智竟然預想唔到聯軍集結抵禦張遼嗰邊嘅時間。」呂布揶揄道。

我頓時無言以對。

個計策又唔係我諗，我借鑑啫，洗唔洗咁串呀！

「講笑啫，李兄弟並非軍人，諗唔到都係理所當然，李兄弟諗到明修棧道嘅良計，點可能唔係才智出眾，如果有李兄弟出謀劃策絕對係如虎添翼，哈哈哈哈！」呂布笑道。





哩啲就係一啖砂糖一啖屎，啲老細最鍾意咁講嘢。

「不過我有讓嘢要認真問你，你當日究竟有冇親眼見到邊個殺我父親大人？」呂布突如其來就嚴肅的問道。

「當日我就以為係你殺……唔係劉備咩？佢哋又偷咗望諸策仲唔係證據…..」我被這個突如其來的問題弄得慌張起來，不假思索就如實回答。

仆街啦！佢一唔中意又變面殺我咁點呀，我都仲未幫小白報仇！又未救到小南！

「果然佢哋嘅目的係偷望諸策，但係當時父親大人已經酩酊，根本未必要殺父親大人？」呂布滿臉疑惑道。

「雖然鷹目係袁紹嘅校事營，但袁紹一直想染指王權，應該唔會專程暗殺父親大人……公孫瓚先係最想并吞成個河北……」呂布自說自話。

「我只係諗緊哩個係咪真相，不過我仲見到關羽手上有我父親大人嘅龍紋大刀，無論如何都會殺咗佢哋！」呂布目怒兇光的向我說。

「呀咁就當然啦……，不過既然你根本冇殺丁大人，當日你做乜唔好好解釋？」我頓時被嚇得驚惶失措，但又故作鎮定的反問呂布。





「小玉嘅脾性我最清楚，佢一定會用盡方法報仇…..」呂布嘆息道。

「但係佢而家未變咗搵你報仇？」我驚訝的說。

「咁佢先最安全……」呂布那溫柔的神情重新浮上臉容。

此刻我根本不知道能說甚麼。

「將軍，我哋入去勘察過，小路無人看守，小路外數里就係聯軍營地，而且見到營裡不停有軍隊趕往張遼嗰邊。」高順從小路回來說。

「好，繼續監視聯軍動靜，如果再冇任何軍隊出發就話我聽。」呂布說。

「聯軍已無援軍再出！」高順趕來報告。





「再探，三日再報。」呂布回應







「將軍，連日嚟盟軍再無異動！」高順三天後再回來報告。

「眾將士，提起精神，隨時會出發。」呂布對八百精兵說。

緊張敢襲來，使我不由得打了個冷顫，相反八百精兵無不處之泰然，我那緊張的神情融入其中，顯得份外丟臉。

在我不斷安撫內心之時，夜幕低垂。






「全軍必要輕聲緩步，手執火把而不點燃，出發！」呂布下令。

「你可以帶埋墨犬，只得兩隻馬唔會有幾大聲，不過你要同我係最後。」呂布對我說。

全眾人跟從呂布指示，由高順領頭，呂布跟我殿後，緩速前進。

全軍一身黑色盔甲，緩步前行，彷彿沒入夜色密林之中。

就連我咁近都睇唔清，唔好話敵人。

去到大約與敵軍相距五百米，大隊人馬停下來。

「點火！」高順高呼。





一瞬間，火光四起。

「陷陣者！」

「隱於山林如妖魅！」