【穿越】【三國】 流離者(不定期更新): 41

「袁大人細作已經緝拿！」

悲傷的餘韻還未斷，吼叫聲卻無情的把我吵醒。

原來我早已被麻繩綑綁，跪在軍營中央。

「孟德賢弟，你無謂再為反賊辯護啦，佢能夠係敵放陣中安然無樣，咁就係最好嘅證據。」袁紹搖搖頭。

「咁只係畀呂布捉咗做戰俘，反而劉大人未經查明就急於殺人滅口又唔係咁啱規矩喎，會唔會係別有用心呢？」郭嘉話鋒一轉，矛頭直指劉備。





「相信劉將軍噉做只係以免佢洩漏聯軍情佈，情有可原，況且噉並唔係為犯人脫罪嘅證據喎，郭軍師！」袁紹淡淡回應道。

袁紹輕描淡寫的一句，不但輕易就為劉備辯護，亦隨即把話題重回軌道，還順便把郭嘉冠上幫罪犯脫罪既罪名，袁紹唔係二世祖嚟㗎咩，轉數快到！

郭嘉被一記回擊，頓時說不出話。

「不過，既然孟德執意要查明真相，那我只好幫孟德查個水落石出，然後再作定論。」

「嚟人，暫且將細作收入大牢。」





不久後就有侍衛把我牽走。

不一會就走到了一個營帳前，把我入撞入營帳之中。

營帳中原來還藏著一個木牢，看來只是臨時搭建，不過要困住一個手無寸鐵，還被縛著手腳的人，絕對綽綽有餘。

侍衛把我安置好後，便把木牢門鎖好，再把營門都蓋好。

營帳頓時漆黑一遍，僅靠營帳上縫隙之間透入的陽光才勉強看到營內面貌。





我的視野慢慢被黑夜所蠶食，很快就黑得伸手不見五指。

漆黑令人的精神繃緊，亦奪走了人對時間的觸覺。

漫長的等待過後，木牢門鎖突然打開。

兩個人影倚仗着月光步入木牢之中。

「嚓！」一陣火花霧起，然後火光照遍整個營帳。

「方兄弟，別來無恙嘛？」映入眼簾的是滿身華裝依舊的袁紹，以及一身黑衣手握火把的劉備。

「唔洗驚！我只係想知一啲嘢，你答咗就冇事。」袁紹親切的問候。

「望諸策喺邊？」袁紹接著問。





我依舊一頭霧水，亦沒有回話。

「答呀！」劉備話還未說完就一鞭狠狠地打來。

「呀......」我痛得悶聲不響。

這一記抽打，打得我從悲傷中醒來。

但不由得我喘半口氣，第二鞭緊接而來。

我痛得在地上翻滾。

「我......我都唔知......咩望諸策......。」我使力氣擠出聲音。





「唔知唔緊要，未慢慢諗下。」

劉備接著又對著我連番抽打。

「慢慢諗，聽日再答我。」

奄奄一息的我癱到在地上，手腳皆被縛上，我只能痛苦地在地上蠕動。

此刻我深深明白到，再這樣下去，我只會被折磨至死。

手腳被緊縛不要說脫掉，連動都動不了，更何況有木牢和守衛，逃走簡直天方夜譚。

那就只能從「望諸策」著手。

但什麼是望諸策？





一段記憶掠過。

望諸策？好似好熟，但我怎麼想也想不出什麼？

我苦苦沉思，但終究想不到半點頭緒。





「方兄弟，我哋又見面，有冇諗到啲咩。」袁紹又來探訪。

「有有有！」生怕又被虐打的我連忙應到。





劉備甫一聽見，隨即厲目凝視著我，嚇得我又立刻停了嘴。

「講啦！」袁紹焦急地催促著。

「我好似係邊度聽過，哎........，比啲時間我諗下，大人！」

「阿鷲，睇嚟佢真係知啲嘢，等佢好好諗翻起！」

等等！

阿鷲？營幕裡面嗰嗰話殺哂啲漢帝遺脈嗰個好似又係叫鷲！

「知道大人！」劉備拱一拱手，然後嘴角一揚。


劉備急不及待又一番虐打。

「你究竟仲知道啲乜。」劉備神情焦躁，越打越起勁，彷彿想殺了我一樣。

「阿鷲，適可而止，佢死咗唯你是問。」

打得我體無完膚，無力掙扎，慢慢失去了意識。