【穿越】【三國】 流離者(不定期更新): 40

「即係點呀？佢出咗咩事？」我接著追問。

「嚴格嚟講佢就冇咩事嘅，係...，不過其實你大鑊啲。」郭嘉說得意味深長。

「你係咪之前同劉備佢哋一齊去丁原到飲茶？」郭嘉問道。

「係啊.......你點知？」我驚訝問道。

「咁你未去咗個唔應該去嘅地方，知咗啲唔應該知嘅嘢，識咗啲唔應該識嘅人。」郭嘉無視我的問題，邊搖頭邊說。





「即係咩意思？好難明呀！」

「總之就戟啦，比你累死，不過而家我又唔可以畀你死住喎。」郭嘉繼續無視我的問題。

「總之翻到去要慢慢拆啦，好彩你識咗小瞞，佢一定唔會揼低你。」郭一臉苦惱，卻應受不到她痛苦。

我們一行人回到聯軍軍營。

「我教咗你咁耐你都仲係咁易比人捉倒，無鬼用。」典韋一邊檢查我的傷勢一邊說道。





「方兄弟冇事吖嗎？」曹操亦湊了過來。

一身傷又點會冇事呀..........但係都多謝關心啦。

小南。

我恍了一下，立刻想起小南。

沒有理會他的阻撓，一個勁的衝了去找小南。





不一會就到了住處，我緩緩牽開布幕......

小南端坐我的面前。

看到我的時候，小南晃了一晃，就一跌一撞的衝向我的懷裡。

「憂.......哥哥，你去咗邊？我好驚......你又會揼低我......」小南邊哭邊說。

「我應承過就唔會揼低你，一定。」我輕撫小南的秀髮。

我和小南相擁而坐，待了好一段時間。

「相當溫馨嘅重逢，不過唔好咁耐啦，我老人家唔等得㗎。」一把似層相識的聲音從幕簾處傳入。

我立刻把小南推到後面。





聲音傳入之前並無半點徵兆，沒有一點腳步聲，就連揭開幕簾的聲音都沒有。

「邊個！」我亦立刻警覺起上來。

營外那人不忙不亂，亦沒有多作甚麼行動，我這才冷靜下來好好看清他的樣貌。

原來他正是丁原謀士趙文。

「李兄弟唔記得咗我嗱？小南服侍得李兄弟如何？」趙文又擺起那副猥褻的面容。

「趙文？你點解會喺到？」看到熟悉的面孔，我頓時鬆了口氣。

「當日嗰件事之後，我哋逃亡到去北平，好彩公孫大人收留我哋。」趙文娓娓道來。





「李大人而家追隨曹大人，應該相當唔錯。」

「其實我都並唔係追隨，只係合作啫。」

「咁就好啦，有緣再會啦，行啦小南。」趙文寒暄了一番，正要離開......

咪住先

「小南都要走？」

「當然啦，小南係原本係主公同小姐嘅嘢，而家要收翻都相當合理，定李兄弟想借多最後一晚，我亦都識趣嘅.......」趙文那猥褻容貌依舊，但現在我卻多了一份討厭。

「我唔係咁嘅意思！小南唔係任何人嘅野，係我屋企人，我唔會比你帶走佢，佢都唔會跟你走㗎！」我一手隔開趙文與小南。

「你係咁諗啫，佢係咪呢，小夏帶佢走。」輕挑的語氣在他說「小夏」那一瞬突然收起。





我回頭一看，只見小南瑟縮於我背後.......

「你做咩呀，小南，唔洗驚佢，我唔會畀佢帶你走，秋香嚟埋都冇得傾！」看到小南的行動與我想像中的相反，我竭力阻止。

小南甩開我的手，站到趙文身旁，目無表情的看著我。

「小南，唔洗驚，我唔會比你帶佢走！」我頓時站起，一拳揮向趙文。

小南突然一手把我拳勢擺開，我一個錯步，跌倒於地上。

「我唔可以畀你傷害趙大人。」小南的聲線變得異常冷漠且低沉，我根本從未聽到過小南這樣說話。

這一句說話，這一份冰漠，瞬間變成一把無形的劍，狠狠刺穿我的心。





「我哋唔係屋企人咩？小南係唔會呃我嘅？你係咪有咩苦衷？」我坐於地上，淚水不知不覺的流出，看來答案我早已知道。

「對唔住，我由此至終都係趙大人嘅忠僕，以後都唔會變。」語氣依舊冷漠。

她把插中那把劍狠狠拔走，不留半點餘地。

「但係......小南冇呃過你。」小南聲線略有抖動，卻又依舊陌生。

我唔要啲咁老套嘅憐憫呀！

原來連呢道我唯一重視嘅人都係呃我！

呢個世界連一個重視我嘅人都冇！

一個都冇！

同以前原來都係一樣........

「唔好再講啦！走啦！」走呀走呀我唔想再見到你哋！






「方兄弟！有冇受傷？」有呀，好痛呀！

「做乜春呀你，係咪要打鑊你先肯應呀。」你未打！比你打可能仲舒服d！

「你冷靜啲啦，你而家唔係諗啲冇謂嘢嘅時候呀！」我咩都唔諗呀，咪煩我呀！

「曹大人，在下奉命捉拿細作，請唔好阻撓！」

「並未查明，請大人唔好妄下定論！」

「未係囉！你明屈呀？」

「曹大人，應該唔會係同逆賊一伙啩！」

發生咩事？

不過都無所謂。