【穿越】【三國】 流離者(不定期更新): 39
「你點解都會有哩樣嘢㗎！」我大感嗟異。
「你問我定我問你呀而家！」郭嘉不耐煩的說道。
「我........我喺學校圖書館地下執㗎......」
「執到？Doctor Alex發明嘅TM00應該只係得我哋幾個志願研究生有，點會隨便比個中學生執到？」郭嘉一頭霧水。
「你用佢穿越過嚟？喺幾年穿越過嚟？有冇人同你一齊穿越咗？」郭嘉連珠砲法式了一年串問題。
「我唔知呀，我唔小心整跌左隻錶佢就自己開始轉，之後就嚟咗啦，我原本只係2019年嘅普通中學生呢咋。」我一一解答郭嘉的問題。
「2019？」郭嘉沉思一下。
「開唔倒嘅？」郭嘉左擺右弄都無法打開那鐵錶。
「我唔知係咪跌爛咗.......」我一臉羞愧。
「真係跌爛咗你就大鑊啦！不過呢隻係我係我嘅，唔通太耐冇開生鏽？」郭嘉再一番努力依然籌莫展。
接著郭嘉拿出另一隻懷錶。
「喀嚓！」懷錶應聲打開，那倒三角板面重現，不過上面所寫著的數字卻不盡相同，從左面方格順時針寫著A11,+0189,+0189。
「A11?之前我嗰舊顯示A10都奇怪，明明我哋喺A9時空區，呢部睇嚟壞得仲勁。」郭嘉邊使勁搖晃她手中鐵錶，邊自言自語。
「唔理啦！2019年我都未有耐出世，唔好話呢舊嘢，你真係冇呃我？」郭嘉一臉猜忌。
「冇呀！我咩都唔知就嚟咗呢道，我哋咁樣撞到會唔會有蝴蝶效應令我哋消失㗎！」我思維瞬速向壞方向前進，弄得我一陣顫抖。
「哈哈哈哈！你講得出哩句就知你都係古人，不過你一個咩都唔識嘅古人又點解會執到TM00呢？咁奇怪嘅？」郭嘉摸著下顎細想。
「放心喎，alex particle experiment 早就證實物質同時間係獨立存在並無必然關係，所以無論時空點改變你都唔會消失，但致於會帶嚟咩影響就係我哋嘅研究題目啦。」郭嘉娓娓道來。
「吓？」我聽得一頭霧水。
「即係『亞力斯粒子實驗』呀！講你都唔明㗎啦，不竟呢啲嘢你起碼過多成個世紀先知。」郭嘉喃喃自語。
「一世紀後嘅嘢你都知？」我更加苦惱。
「咁你都唔明，我係2145年做嘅『時空超頻實驗』嘅志願者。」
「2145？你係未來人？」看來這早已超出我所有認知範圍。
一個左右天下局勢嘅大軍師係女人都唔講啦，仲話自己係未來人，玩夠未？未就繼續啦嘛！
「嚴格嚟講，你係古人，呀唔係，對比上嚟應該叫你近現代人。」
這一句說話瞬即震憾我的大腦。
「HOLY SHIT!你哋嗰時已經可以自由穿梭時空？」縱使震憾，那對未來的憧憬亦隨之而來。
「係就好，如果得我早就翻咗屋企沖涼啦，我哋應該係第一批實驗員，其實連我哋都唔知係咪真係穿越到，我嚟到之後隻錶個時空板面錯曬，個回程功能都唔知點解失咗效，而家仲再開唔翻，但係你嗰個又得我都想個做乜。」郭嘉又擺弄一下那懷錶。
「時空板面？我都唔知你噏乜，亦唔知哩舊嘢係乜，我淨係想知點翻去。」我一頭霧水。
「要解釋咁就要講下歷史，喺2121年，Doctor Alex透過量子顯微鏡發現到一種可以阻礙時間流動嘅粒，並命名做亞力斯粒子，經過反覆研究證實當粒子密度過高時，就會造成時空停頓，估計甚至能夠時空穿越，雖然而家經我證實咗。」說到這裡，郭嘉顯出一副沾沾自喜的嘴臉。
稱之為time overclocking……a….即係時空超頻，但由於在外只能觀測到當前時空停頓，根本冇可能知道裡面實測變化，所以就要靠我哋呢班第一批志願者。」郭嘉根本不理會我心情，只管自說自話。
「吓？」我再以這一個字表達我的感受。
「而且經過Doctor Alex多年嘅時空超頻實驗中發現時時空超頻有機會令時空分裂，推斷現存時空唔止一個，而且仲相當多，而研究中亦發現唔同時空時間嘅流動速度都唔一樣，所以假設時空中有唔同區域唔同頻度嘅分別......」郭嘉繼續長遍大論的轟炸我的大腦。
「等等，我......大概都明白嘅，不如你話我聽錶上面啲英文同數字代表啲咩？」我不願繼續被一大堆學名轟炸，所以故意轉開話題。
「哦........，左邊呢格呢就係顯示我哋初步界定所在嘅時空區，右邊個格係預計時空起點，下面係估算我哋實際身處嘅年分。」
話話話咩都估，你哋又肯志願又真係幾威，不過第一批時間穿越者真係幾吸引。
「時空起點？」
「即係通過亞力斯粒子密度估算既時空起始點，話用嚟估算時空年齡喎。」
「不過如果係堅，我嚟嗰時佢顯示+188,咁個時空未耶蘇出世後先出嚟？仲用乜鬼嘢公元計年份，而家仲話+189，我都嚟唔到呀，根本唔準，都唔明Doctor 點解仲擺係度。」郭嘉答道，我後悔問了這一個問題。
「哦.......」
估唔倒咁q長氣，我識春咩，我淨係想番屋企，最好就帶埋小南見識下未來世界.......
小南
「小南呢，冇嘢吖嘛，而家係邊？」我焦急地問。
「呢個要翻到去慢慢同你講。」郭嘉欲言又止。
咩意思呀，冇嘢就冇嘢，兩個字要點慢慢講呀，我哩句好明顯係循例問吓，你唔洗咁認真答，係咁易答句冇咩就得㗎啦！