【穿越】【三國】 流離者(不定期更新): 38

劉備沒有回應，一個箭步，又是一番連刺。

雖然高順看來也是身手非凡，但招架起來都絕不輕鬆。

「果然並非浪得虛名。」高順面有難色。


呂高二人皆被敵方糾纏，呂布軍頓時失去指揮，只好往二人靠攏，牽制敵軍。

原本兵力的劣勢瞬即顯現，不消一刻便被聯軍重重包圍。





被圍作一團的呂布軍亦被迫下馬禦敵，但縱使下了馬，呂布軍依舊勇猛，雙方戰方膠着。

講經咩，而家呂布又當正敵人，劉備又好似我殺咗佢老豆咗款追殺我，過倒佢哋兩個嗰關都仲有機會比亂軍斬死，痴撚線㗎咩，而家邊邊贏都係我輸，點玩呀！，有冇得擺低句「下次再玩啦！」就走呀，比條生路行下好喎。

被閒置於馬上的我，早已放棄思考，默默的等待死神的降臨。

「呂布！」一聲稚嫩的怒吼，在聯軍中開闢了一條道路。

腳跨白馬，身穿純白騎士鎧的騎士在聯軍中躍出。





騎士身軀嬌小，甚至比呂布更小。

他手持長矛，向呂布直衝。

白騎士引起一番騷動，呂布早已有所戒備，加上白騎士動作直白，呂布輕易躲開。

但張飛顯然等到了時機，數個瞬速前踏，又是一番連揮。

張飛揮矛時，矛頭如蛇般抖動，攻擊千變萬化，縱使是呂布亦難以招架。





雖然呂布不斷擋格，但長矛總能在不可思議的角道刺中呂布，呂布顯然一籌莫展。

「佢要由我嚟殺！」那白騎士回馬再衝呂布。

張飛生怕殃及池魚，連忙收起攻勢。

呂布突然恍了一下，縱使白騎士襲來亦毫無反應。

長槍一刺落空，只因呂布側頭避開,然後反手便抓緊槍柄,再一扭,白騎士瞬即失去了武器。

白騎士隨即拔出長劍，來回衝刺，呂布卻只不段躲避，毫無招架之力。

與此同時，張飛竟承着空檔，以長矛刺擊高順，看似直刺，矛鋒卻左搖右擺，刺擊角度極其刁轉。





但有別於呂布的獸紋亮甲，高順身上甲冑更為厚重，沒多少縫隙，縱使被不斷擊中，也只能牽制其行動。

在身旁劉備把握高順被牽制的一剎，一劍.......向我刺來！

我只顧着看高呂決戰，劉備冷不防來到我面前，一劍想致我於死地，我一個翻身，跌倒馬下。

只聽到原本在我身後的士卒一聲慘叫。

「話阿劉生你都唔係年輕人啦，仲咁不講武德，搞偷襲嘅，有事慢慢講，我咩都唔知㗎！」我勉強面向劉備。

劉備根本沒有理會我的說話，向我迫近。

我都來不及求饒，就立刻匍匐前行，盡可能逃離劉備的追殺。

可惜倉皇之下，我跟本走不了多少步，劉備越漸迫近。





在絕望之際，不遠處揚起了一陣塵土，一班人馬從沙塵中躍出，正是曹操一行人。

我拼命的爬，捉緊那一線生機。

曹操等人就在不遠處，我焦急的回頭張望。

劉備就在跟前，正要一劍刺向我腰間。

「乒！」清脆的一聲，劍擊中硬物，被改變了軌道，在我側腰畫出一條漸深的血痕。

一個亮銀的物件從血痕出跌出。

「呀！」我還來不及思考，疼痛已佔據了我的全身。





劉備一刺失手，但仍然制止了我的前進。

於是他丟下長劍，一手抓住我的頭髮，正要以割喉方式將我處決。

此時一人一馬瞬速迫近，人影一躍下馬，一腳將劉備踹開，再一個翻滾，以右拳支撐著半膝跪起。

咁既出場方式仲有邊個，緊係典韋。

劉備繼續追擊連刺，卻被典韋一一檔下。

「鬼谷秘藝，對武人嚟講的確係相當難纏，但係對我哋一介劍客就唔係咁講。」典韋縱容問道。

曹操一行人隨即趕至，一把把我拉上郭嘉的馬上。






「劉大人，請手下留情，呢位兄弟係我嘅朋友，並唔係敵人。」曹操趕至。

「曹大人，你呢位朋友喺宴會後失蹤，而家又出現係敵營，曹大人唔會係私藏細作？定還是曹大人本來就係？」劉備質問。

「你講咩呀！」典韋怒斥。

「宴會後失蹤？劉大人究極點得知佢係失蹤，仲知道係宴會後就失蹤？睇嚟劉大人應該識天眼通喎。」郭嘉揶揄道。

「軍中早有耳聞！」

「但我哋從未對外談及，更何況就連我哋都唔知佢幾時失蹤，既然劉大人早有神通，應該及早話我哋知。」郭嘉與劉備針鋒相對。

「唔好轉移視線，曹大人做咩坦護佢，無論事實如何，佢身於敵人軍中，身份未明，斬草除根對曹大人同聯軍都百利而無一害。」劉備續道。

「點解劉大人咁想殺佢，係咪有咩不可告人秘密。」郭嘉得勢不饒人。

「佢係我朋友，細作嘅事，應該先查明再講！」曹操答曰。

一行瞬即離開戰場,劉備欲追卻又被呂布軍阻撓。

漸漸遠離戰場，回頭一看，只見呂布戰意難卻，高順半拉半勸的扯走呂布，其後他亦一躍騎上赤兔，呂布軍徹退。

「叫咗你唔好理，你係要理，你死唔緊要，害死埋我哋先無辜吖嘛。」郭嘉斥責道。

「同埋你點會有呢樣嘢？」郭嘉拿出我隨身攜帶的鐵懷錶。

還未及反應，郭嘉張開另一隻手。

竟然有一個一式一樣的鐵懷錶。