【穿越】【三國】 流離者(不定期更新): 28

我頓時目定口呆,給不出任何反應。

一道銳利的目光在窗外注視著。

「原來係董太師孫女,果然秀外慧中呀,哈哈!」我勉強擠出笑容打圓場。

「真係嘅?多謝你....」她那通紅的面頰,羞澀的表情,簡直與一般少女無異。

「小姐,你唔可以輕信啲漢人?」壯漢勸說著。





「你唔好畀我搵倒你有咩古怪,小姐都阻唔到我殺你!」壯漢在外怒目而視。

「雄叔叔你再係咁我就嬲㗎啦!」小白鼓起臉龐,故作生氣。

壯漢這才稍微放鬆了下來。

「你休息下,好快就到。」小白用手輕撫我的額頭。

四肢無力又走唔甩,咁休息下已經係我唯一嘅方針。







馬車突然剎停,我被拉扯起來,又狠狠的摔回地上,弄得我渾身是痛。

「做咩呀?」小白探頭出去問道。

「前面草叢有唔妥......」壯漢疑惑道。

「係山越兵佯裝!後撤!」壯漢大喝,隨即命令小隊後退。





山越兵?係咪即係之前呀劉生講嗰個孫堅精兵,今次有救啦!

還未來得及反應,一群身上佈滿樹葉的軍隊,從叢林中跑出。

「胡趁駛車往北,胡適駛車往東,胡車兒駛車往南,其餘跟我上前抵擋敵軍!」壯漢迅速作出指揮。

「華雄,終於搵到你同個賤種啦!」帶頭一名將領大喝。

「孫堅!對孩童趕盡殺絕算咩英雄!」華雄架起長槍。

「冇人話要殺佢,請佢翻去做上賓啫。」孫堅輕挑的回應。

「生擒個雜種,其他格殺勿論!」孫堅揚手輕揮,示意士卒衝鋒。

而家究竟咩料呀!





「雄叔叔!我唔走,雄叔叔唔好揼低我呀....」小白半哭著高呼。

「小姐,冒犯啦,之後你再治我罪!」一名臉上有著一道大傷疤的將領連忙上車,捂著小白的嘴。

「好好保護小姐!天祐西涼!」華雄高呼。

「啲休斯綿!」眾人隨即高呼。

雖然聽唔係好明,但好似係普通話,不過啲外族唔明又合理。

縱使對這話一竅不通,但亦沒有深究下去。

跟隨華雄奮戰的只有數十人,但在樹林中走出來的山越兵卻連綿不斷。





縱使面對數十倍的敵軍,華雄軍卻寸步不讓,仍舊高呼著「啲休斯綿」。

華雄軍慢慢沒入敵軍人海中,這是我們離開時看到最後的境色。

小白亦同樣目睹華雄被人海吞噬的畫面,哭得更是嘶心裂肺,但哭聲卻逃不出疤面將軍的巨掌。

一連串的事情發生,我完全一頭霧水,不過依舊不能動的我,就好好充當佈景版吧。

離開了好一段距離,打鬥的聲響越來越小,亦看不見任何身影追來,看來華雄好好的抵擋了敵人。

隨著環境越來越寧靜,我慢慢聽到了疤面將軍的聲音。

「漢匪.....漢匪......」疤面將軍碎念著,眼神裡充滿仇恨。

他不經意的看到我,然後把仇恨的目光全部貫注在我身上。





「就係你啲卑鄙嘅漢匪,追殺小姐,仲伏擊華將軍!漢匪殺一個少一個!」疤面將軍怒吼。

「冷靜啲!我同佢哋唔同,我都唔係漢人。」我慌張的說道。

「你一身漢人嘅裝束,你都諗住呃我!」疤面將軍依舊殺氣騰騰。

「你唔見我一身都係傷,就係漢匪做嘅!」眼見危在旦夕,我砌詞解釋。

「係漢匪整傷你?」疤面將軍緩緩放鬆下來。

「我本身係久居深山嘅方士,如今天下大亂,我只係想去中原化解戾氣,點知反而被當成妖言惑眾嘅亂賊驅趕追殺。」我娓娓道來。

「漢匪卑鄙無恥,就好似對我哋族人一樣。」疤面將軍面容頓時變得悲憤交加。





「究竟漢匪對你做過啲咩?」看到疤面將軍如斯面容,不由得好奇那背後的故事。

「有冇聽過西涼諸民?」

我輕輕的搖頭。

「西涼諸民係指西方各個民族部落,喺武帝時期,漢匪纍纍入侵西涼,係裡面燒殺搶掠,簡直就同賊匪毫無分別,幸存落嚟嘅人都被佢哋俘虜,世世為奴,啲漢匪當佢哋係牲畜一樣咁奴役,而我哋都係西涼諸民!」疤面將軍說得由其憤慨。



「係董太師救翻我哋!喺董太師接管西涼之後,佢殺盡貪官污吏,解放所有涼奴,係我哋恩人,所以就算要死,我都一定要保護好小姐。」胡車兒一臉堅定。

聽到如斯沉重的說話,我給不了反應,亦回不了話,因為我亦曾經認為這是理所當然,亦曾經默不作聲,我沒有辦法回應,亦沒有資格回應。

小白哭累了,我們的心也累了。

不知道走了多久,一座龐大的城池映入眼簾。

「話,好大呀....」我忍不住心中的驚訝叫了出來。

「緊係大,天下最大城池,應該後日就到。」胡車兒語氣平談非常。

「後日?仲有咁遠?咁究竟有幾大?」我極其震驚。

兩日時間轉眼即逝,我的身體亦好轉了不少,或許人血真的有幫助吧.....

洛陽城,雖然不及巔峰之城宏偉,但龐大程度,巔峰之城根本不能望其項背。

洛陽城就在面前,這意味著我將要晉見所謂惡賊董卓。

究竟他是解放者還是殺戮者?

現在我倒是有點期待。