【穿越】【三國】 流離者(不定期更新): 27

墮進河中的我可沒有一絲掙扎的力氣,就如浮木般隨水漂流,期間不斷被沙石擊打,把我那一點意識都打走了。






矇矓間只感覺到我在河中任意漂泊搖曳。

搖曳變得越來越有規律。





但在河中漂泊為什麼會如此穩定?

我迫不及待的張開雙眼。


「口依!你冇事嗱?」一把小女孩的聲線說著。

率先映入眼簾的是一個頂著春麗頭的少女,他皮膚十分白皙,有一雙明亮的大眼睛,加上兩頰鼓起的臉蛋,十分可愛。





她的臉跟我貼得十分近,令我有點不知所措。

我雖然想躲避,但找遍全身都拿不出一點力氣,那只好承受這份美好.......嗱我唔係變態㗎,係真係郁唔到。

「呀........你係咩人?」雖然有點驚惶失措,但我立即就問出心中疑惑。

「我叫小白,我冇惡意㗎,我見你受咗傷先諗帶你翻去醫好你咋。」小白顯得十分彷徨,生怕我把她當作壞人。

我望向左臂,被生疏的扎起,明顯她說的話沒有半點虛這。





我稍微放鬆了下來,細看四周,我應該身處在一輛移動中的馬車。


「仲未得呀?」小白撥開窗簾焦急的說道。

「整好咗啦,小姐。」一把低沉的聲音應到。

只見小白興奮的把一碗東西拿進來,遞到我的面前。

「快啲飲咗佢,好快就會好㗎啦。」董白真誠的說著。

我只見碗中盡是血紅色的液體。

「哇!咩嚟?點飲呀!」我大喝道。





「我真係冇惡意,我只係想你好翻咋...」小白頓時眼泛淚光。

眼見小白可憐的神情,我亦不忍心拒絕。

「飲未飲囉.......」我好不情願地說。

雖然係古怪啲,但係古人啲藥又唔見得會幾正常,死唔去嘅,最多未屙。

我張開口。

小白亦慢慢把碗中物倒進我口中。

血紅色液體甫一闖我的口中,一股腥臭的鐵鏽味擁入口中,我立即吐出,連番咳嗽。

咩血紅色液體,根本就係血,豬紅都要烚啦,要生吞?





「你無啦啦做咩畀啲唔係狗血定豬血我飲?」我驚嚇地說。

「吓!你頭先流咗好多血,緊係要飲翻的血補身啦!同埋我點會比豬狗血你飲,係人血嚟㗎!」小香依舊一臉無邪。

「人血?你痴線㗎!呸.....」

「你放心啦,係死人嘅血嚟咋,冇傷害過任何人㗎,可以放心飲㗎。」小白頂著那甜美的外表說著。

「白痴!咩人嘅血都唔會有人飲啦下話!屌你仲迫我飲係咪變態㗎!」我竭盡全力的往後爬。

「我只係......我只係想你......快啲好咋,嗚.....」小白邊說邊哭。

做咩呀宜家,有個變態o靚妹迫我飲人血,仲要搞到好似我恰佢咁,點呀,cutie大曬呀!





突然一隻粗壯手臂窗口伸進來,一手捉緊我的脖子,按壓在地上,力量之大,令我連呼吸都不能。

「小姐,佢係咪冒犯你?」粗獷的聲線夾雜一點鄉音說。

「唔係......佢應該係太驚姐,不過唔飲唔會好架......」小白收起眼淚說。

壯漢一手接過那碗鮮血。

「聽唔聽到!小姐叫你飲,咗,佢!」壯漢一邊說一邊把那碗人血貫進我喉嚨裡。

我半吐半吞的喝下那碗人血。

「咳咳........」我受不了那血腥味,把吞進去人血都全吐了出來。

窗外正有一道兇悍的視線凝視著。





「唔好整烏漕小姐!」壯漢怒吼。

那股霸道的震懾力把我嚇得不敢動彈半分。

「對對......唔住!」我連忙道歉。

「雄叔叔唔好咁啦,佢應該一時接受唔到我地西涼文化啫。」小白一臉仁慈。

那兇惡萬分的眼神稍微緩和。

「小姐,漢狗信唔過,佢可能係袁賊嗰邊嘅細作,唔好畀佢呃到。」這時我才看清那壯漢的外表,頂著一頂圍繞著絨毛的圓邊帽,豪邁的炸尾眉毛,碩大渾圓的大眼,典型的粗豪樣貌。

「佢咁傷點都唔似係細作,雄叔叔你太多心疑啦!」

「小姐,孫賊個卑鄙小人仲搵緊我哋,絕對唔可以放鬆!」

眼見那接近兩米的碩大的身軀,紋理清晰的厚實肌肉,我就知道我根本不能反抗。

仆你個街,又要匿喺個o靚妹後面,型番次得唔得呀!

一定要振夫剛!!

不過下次先啦,而家中曬debuff咁,如果唔係我真係未驚過!講堅...

我一番沉思,決定司機而動。

「唔洗驚!我哋好快會翻到屋企,你好好休息啦。」小白那樣貌真誠。

「等等先......你屋企喺邊?」突然被困於馬車中,又被虜拐到別處,雖然小白怎看都不像壞人,但我依舊十分不安。

「喺洛陽,雖然兜咁好遠路,但係應該好快到㗎啦。」

洛陽係三國時代東漢首都喎,有錢女哩喎,可能嘆翻排都幾唔錯......

洛陽?

雄叔叔?

孫賊?

「小白,我都仲未知你全名叫咩?」我顫抖的問道。

「我全叫董白㗎,叫我小白未得囉!」雖然小白依舊用那天真爛漫的聲線說著,但卻在我心中掀起一陣浪潮。

「噉你應該唔識董卓㗎可?」

「佢係我爺爺,你識我爺爺㗎?」

仆街啦哩鑊,惹倒個痴線妹,仲要去董卓屋飲咖啡!

震驚的事實浮現,就算心中再怎麽吶喊,但身體依然不能動個半分。