【穿越】【三國】 流離者(不定期更新): 25

又被典韋一番折磨,使我躺在草地上昏睡過去。

「乾!」

「小兄弟你知唔杯中有酒係對家主好不敬㗎!」劉備一如既往的慈祥。

「丁大人我敬你嘅!」關羽一如既往的豪邁。

「二哥,你啲酒水噴到的成身都係!」張飛一如既往的嬌媚。





「好!一人一酲先夠痛快!」丁原亦一如既往的爽朗。

喝得正爽的關羽卸去半身上衣,露出通紅的手臂,臂上縱橫交錯的傷疤,已經說明了關羽的身經百戰,但在傷痕之間卻隱若浮現出人工的圖案。

「話,乜你哋都興紋身...呀唔係...刺青呀,仲要係一隻眼?」我好奇的問道。

話唉,唔通關公係共濟會高層?

關羽連忙穿回上衣,怒目而視。





「二弟,丁大人信得過,我哋就唔怕坦白,其實二弟早前因為抱打不平而錯手殺咗個地方官,結果被搞到烙下刺青,關入監牢,而咁啱黃巾賊作亂先僥倖逃脫。」劉備說得繪形繪色,聲淚俱下。

「雲長俠義,我敬你一杯。」丁原顯然被感動。

又一番相敬如賓。

「好!劉兄弟好酒量!我再敬你一杯!」

「丁大人言重啦,一介莽夫,點似得丁大人貴為晉陽城主咁厲害,名器寶物到處皆是。」





「的確,比白馬將軍府上還要華貴,還要多的名器寶物。」張飛插嘴道。

「當然!」丁原本已喝得興起,聽到一番美言更是趾高氣揚。

「但係...我見識過白馬將軍的趙璧之後,縱然係丁大人府上的寶物亦未必可比。」

「邊可能有尼件寶物,從未聽聞!」趙文十分驚訝。

「趙璧?都係華而不實,我.......」

「呀!我明啦」我頓時恍然大悟,大聲呼叫。

這呼叫聲響遍了夢境與現實。

我不自覺的從睡夢中醒來。





「我咩都明曬!」我連忙張開雙眼大叫道。

只見小南被我嚇得跌坐在地。

「明......咩?」小南疑惑的問道。

「我明.......係囉!我究竟明咁啲咩。」

係囉!我明明就係係個夢裡面明咗啲嘢格,究竟係咩,話時話我連頭先發咗個乜鬼嘢夢都唔記得埋!我又要玩潛行凶間!

「嘻嘻....」小南被我惹得哭笑不得。







一覺醒來,天色已暗,我稍作梳洗便到袁紹營中參於夜宴。

夜宴當中酒肉豐盛,更有舞女載歌載舞,好不熱鬧。

這次宴會是為了公孫瓚洗塵而設的,但公孫瓚亦不出所料的缺席,但劉備三人卻在宴會中四處結交群雄。

等等先,之前睇覓秦策嗰時話歷史改變會令我唔存在㗎喎,仆街啦,一陣劉備真係死咗我,未連我都死埋。

生死攸關,縱使要冒點風險,我都要叮囑劉備一下。

好彩我喺劉備心目都仲係個方士,可以毫無違和感。

我緩緩走近劉備背後,輕輕拍一拍劉備的膊頭。

「劉大人,我有啲嘢想同你講!」我在劉備耳邊細語。





「唉,李兄弟,別來無恙嗎?搵我有事?」劉備回頭。

他又係咁嘅死樣,擺明認得我扮唔識。

我微微點頭回應。

劉備隨我到宴會外。

「我夜觀星象,見到你被兇星映照,可能有殺身之禍,加上你係劉氏遺派,我算到有人想殺你。」我一本正經的說著,話說我都幾有做龍哥嘅天份。

「劉氏遺派?李兄弟果然神機妙算,我會多加小心。」劉備起初一下錯愕,然後又重回那慈祥的口臉。

劉備想了想,又說「李兄弟,你宴會之後可唔可以搵個地方詳細話我聽?一日未匡扶漢室,我亦都只可以苟延殘喘!」





「吓!....好」劉備說得字正詞嚴,壯志凌霄,我亦不好推辭。

「不過營中耳目眾多,我哋都係宴會後到營外五十丈外樹林中詳談。」

屌!我實識咩係丈啦!不過去營外搵樹林就係啦!

但係其實連我都唔知咩事,點詳細解釋呀!

係喎?佢哋個時好似講過咩櫻木,問下典韋佢地先。

與劉備別過之後,我便到宴會中尋找典韋,正好在一角找到他與郭嘉對飲。

「典韋,你知唔知咩係櫻木......」

語音未盡,郭嘉便一把捂住我的嘴。

「你係咪想死!係袁紹營裡面講櫻木!」郭嘉低聲怒斥。

眼看郭嘉神情就知道我差點闖下大禍。

「咁......究竟係咩嚟?」我低聲問道。

「櫻木係袁紹麾下部隊,亦都係中原最大嘅諜報組織,線眼冚世界都係呀!淨係知道呢樣嘢存在都夠你死十次啦!」郭嘉聲輕語重的說道。

我頓時嚇得不敢作聲。

「你唔想死就唔好提,唔好講,唔好問!」郭嘉再三叮囑。

我都想唔講,但係劉備死咗,唔好話翻屋企,我仲存唔存在都成問題,我冇得揀......

經過好一番掙扎,我還是選擇冒險赴約。