【穿越】【三國】 流離者(不定期更新): 24

在面前的三人,無疑就是當日捨我而去的劉關張。

等等先,雖然佢未死我都預咗㗎啦,但係佢有主角光環啫,我冇喎!嗰班人知我之前識佢,滅埋我口未仆街,咪嘞,早走早著。

公孫瓚身旁雖然仍有兩人形相格格不入,但只顧逃離這裡的我,更無瑕顧及他們。

我靜悄悄的往後滑步,希望在無人留意到之下離開。

但一把煩人的聲音打破了我的如意算盤。





「瞓少陣會死咩!」典韋一把手把我拉進絕望的深淵。

「喂真係會死㗎!畀我走啦....」典韋手力其大,我無論如何都不能掙脫。

「師傅都未走,徒弟想走?無翻個手下跟出跟入點得!」

「我幾時做咗你徒弟,教劍係你欠我㗎!同埋你要o靚你入軍營大把啦,放手啦求下你!」

典韋根本是個不可理喻的人,經過連日來的相處我深深的明白到這點。





在我與典韋糾纏之際,銀白大軍早已來到面前。

「伯圭,我引頸期盼已久,你終於蒞臨啦!」袁紹又擠出那死板的笑容。

「廢話少講,幾時整軍出征?」公孫瓚一臉嚴肅的道。

「董卓項上人頭一早已經係囊中之物,不急於一時!我早已設宴為伯圭洗塵。」各路諸侯連忙在旁奉承

「行軍打仗設咩宴?英雄宴呀?」公孫瓚豪不留情的嘲諷一番。





「軍中設宴以壯聲威,鼓舞士氣,合情合理,伯圭領軍能如此嚴明,果真替你麾下將士高興。」袁紹顯然只是強顏歡笑。

「我麾下盡是精兵,軍紀嚴明,行軍絕不把酒言歡,宴會就更加免啦!」公孫瓚字裡行間盡是威嚴。

「伯圭連日行軍都攰啦,許攸帶公孫將軍入營。」袁紹一臉尷尬的打圓場。

「公孫將軍唔好酒,我好啊!宴會設好咁就繼續!」關羽說道。

「二哥,都要睇場合,袁盟主而家都未必有心情開!」張飛柔聲道。

「在下愚弟失禮啦!小人係公孫將軍門下食客劉備,愚弟關羽,張飛。」劉備等人拱手。

「呢位唔通係行刺董賊嘅曹大人?」劉備注意到那矮小的身影。

「估唔到大名鼎鼎嘅曹操係個黃毛小子,果然年輕有為,哈哈哈哈!」關羽邊說邊豪邁的笑道。





「在下雖然尚欠歷練,但亦非年少,行年三十有四!」曹操面無表情的說。

「哦......失言啦,原來係矮啫。」

典韋顯然怒髮衝冠,正要拔出配劍,卻被曹操及時制止。

「我其貌不揚早就街知巷聞,亦無咩好嬲!」

話唉,你咁既樣叫其貌不揚,咁我未其醜無比,不過又係嘅,古代要高大威猛,佢又真係算「其貌不揚」嘅。

雖然滿腦子無聊想法,但我亦不忘自己身處險境,我往後靠,低下頭,盡量低調行事。

我緊張得聽不到他們的答話內容,我耐不住焦急的煎熬,向劉備他們方向探頭張望。





怎料正與張飛對了眼,看到張飛那凌厲的眼神,我急忙別過了頭。

仆街啦!佢個死人眼神,九成係認得我啦,呢鑊真係死啦。

我閉起眼來,靜候死神的處刑。

突然一隻大手使勁地拍擊我的肩膀,嚇得我全身一顫。

我依舊不敢睜開眼睛。

「你瞓咁耐,夠曬啦,好翻去練習啦。」

我張開眼睛,典韋那不耐煩的臭臉正正擺在眼前。

「走曬嗱?」





「係啊!等幫你收屍呀,行啦,練嘢啊!」

典韋一把手又拖走我。

咁又係,見得幾日,又隔咗半年有多,唔記得我都好合理。

我鬆了一口氣,但總是覺得忽略了什麼似的。