[高中][少甜]《如陽光伴我》: 負三，從來未知會有限期（上）

回到香港第一件事，我查了很多到英國讀書的渠道，如果只看基本的學費中介費，基本上如果沒有歐盟護照的話，一年都至少要上二十萬港幣，加上倫敦的生活費，動輒都需要上數十萬。

去倫敦短短六天已經快把我的儲蓄用光，我根本不可能靠自己到英國留學。寄望獎學金就更加沒有可能，需知道要我在文憑試只考到26分，在大學內，每個文憑試的分數都有一個價，而屬於26分的價錢是0。

大概可以問姨姨和叔叔吧。

考上了香港的大學，姨姨很高興，上一代的人總是覺得上得到大學就是脫胎換骨的第一步。當然現實並非這樣，至少在廿一世紀不是這樣。

「媽，我想去英國讀書。」晚飯之後，我這樣說。



「下？點解？你唔係好地地讀緊中大咩？」她反問，坐在她旁邊的叔叔默不作聲。

「係，不過...想趁後生去見識下。」

「見識？點見識？你上兩個星期咪去完英國見識囉？」她皺眉頭反問。

「係...所以想繼續喺嗰邊生活...讀書又好咩都好。我會試吓搵學校，我諗雖然我文憑試嘅成績唔算太好，但應該冇問題。但係可能要問你地借少少...」

「人地比你讀唔等於你要去讀，好地地去咩英國？屋企好有錢咩？你去外國讀書大拿拿又要幾十萬，係唔係要我同叔叔拎埋啲棺材本借比你？你話去做交換生都話，無唔啦做咩唔讀中大？」姨姨生氣地說。



「我咁大個人，你地比過咩我？我依家問你借，又唔係唔還，你哋鍾意嘅未計利息囉！我到底同你有冇緣關係？」

「嘈撚夠未啊？你咁撚有理想志向，有手有腳就自己去完成！咁撚叻仔，唔好喺度嘈撚住曬！」叔叔大喝。

「好啊，好啊。我，一蚊都唔會問你地拎。一蚊都唔會。」

說罷便從此鎖上房門。

反正也沒有人會在意。



其實心底內我知道我們家的生活本來就不算富裕，要突然支付這一大筆錢幾乎是不可能，本來就不認為他們會答應，大概也是想碰一下運氣吧。結果還是如當初所料。

沒關係，肯定有方法的。

我從網上的中介公司找了幾份補習，雖然首幾堂的收入全部被他們奪去，但這也是無可奈何的事，因為依靠我自己也沒有什麼渠道找到補習學生。

「點解你唔自己做補習中介，咁你未唔使蝕俾佢地？」我一個中五的學生阿明問我。

阿明的為人比較成熟，不像那些中五的男生一樣幼稚（以前的自己），所以我有跟他聊過自己的事。

「邊有咁容易，有咁容易中介就搵唔到食啦。更何況，我都唔係想長遠喺香港發展。到時先算啦」我說。

「你咁儲錢法，儲10年都去唔到英國啦。」
「啊，的確係。」



「有冇諗過去德國啊？」
「德國？點解？」我不明白。

「其實歐洲好細，國家同國家之間都可以坐好平同好快嘅飛機。西德去倫敦一個鐘都唔使，就算你再窮啲，經陸路坐巴士來往英國德國都只不過係半日時間。講緊可能只係幾百蚊。」

「咁點解係去德國，唔係去英國？」

「平啊，去德國讀書唔使學費㗎。考唔好DSE嘅話，我同女朋友都諗住一齊去。聽講入學門檻好低。」

阿明雖然其貌不揚，但有一個很可愛的女朋友，大概是前幾世積的福。

「唔使錢？有咩可能？」我好像聽到了不可思議的神跡一樣不敢相信。

「真㗎阿Sir，你自己上網睇吓啦！」



回家之後我上網一找，果然他說的沒有錯，在德國讀書是一毫子也不用付出。而且西德與倫敦的距離也如阿明所說非常接近，看來這次有救了！

我趁著晚上的時分打電話給心如，在英國的時間，她剛放學不久。