是咁的，照顧過我嘅護士死咗: 四百、大雄趕到

免除執業試只會令中國醫生受惠，吸引唔到外國高薪厚職又舒服嘅醫生離鄉別井移民嚟香港做狗。

同時解釋咗政府思考邏輯嘅謬誤，因為一方面譴責醫療事故話醫生護士質素唔夠，另一方面又放寬制度引入本身考試唔合格嘅低質醫生，政策同理念本身就唔一致，佢地都唔撚知自己講緊乜。

而就算有大量醫生湧入香港，護士人數唔加、床位唔加、醫療設備唔增值、醫院數目唔加，咁成個配套同無做過醫改無分別，唯一變嘅就係唔夠資格嘅大陸醫生多咗。

可想而知，只係政府花多咗公帑去養大陸醫生，但可以預見日後嘅醫療事故會繼續增加，所有問題都無辦法根治。

依家嘅問題全部都係因為以前削減醫生護士學位，殺護士學校，減床位，唔持續起醫院嘅惡果。





「乜我地個政府⋯⋯真係咁衰架咩？」

我諗我唔使答阿連依個問題，答案係乜佢已經心知肚明。

而白色運動由業界人士發起，佢地知道要解決短期問題一定要引入外援，只係規定外援要有質素，同時要求增加醫療開支、起醫院、加床位、開放醫護學額。

雖然引入醫生嘅速度會下際，但除咗短期內保障外援嘅質素外亦喺長遠角度解決問題。

我盡自己嘅能力為阿連講解哂來龍去脈，佢無出聲，而我好似見到佢個腦喺度轉緊。





消化啦，思考啦，我知道自己影響唔到全香港人，但至少，我影響到一個。

至於阿連會唔會跨出多一步，成為落場參加白色運動嘅一份子，依個就睇佢自己喇。

無幾耐，戴住安全眼鏡同口罩嘅大雄終於趕到嚟。