是咁的，照顧過我嘅護士死咗: 三百五十五、多幾倍嘅努力
林林知道以自己依家嘅身世，無論點急起直追都無可能做到醫生。既然係咁，做護士都係一個可行方案。
佢去咗做相關嘅資料搜集，知道有註冊護士同登記護士之分，註冊佢做唔到，但可以入護士學校讀兩年出嚟做登記護士。
「但係我讀書咁廢⋯⋯唔知掂唔掂⋯⋯」佢將自己嘅目標同最熟嘅護士姐姐講。
「只要你係有心幫病人，就一定掂。」
林林終於有咗人生目標同努力嘅方向，佢除咗返工同去醫院照顧嫲嫲之外，就係返學同去自修室溫書。
為咗唔會考到全科唔合格搞到無得讀，林林用返多幾倍嘅努力去追返自己學習進度。
亦因為當年試過依種每日瞓幾個鐘嘅生活，林林真係做咗護士之後先會咁快習慣幾乎無得休息嘅編更。