是咁的，照顧過我嘅護士死咗: 三百四十二、上咗癮

已經⋯⋯無論做乜都再引唔起佢地嘅注意。

唔係，仲有壞事可以做，全世界都話吸毒係最壞嘅事，食煙飲酒都叫可以被允許，但吸毒唔同。

吸毒，喺大家姐眼中，係真正嘅分界線，好同壞嘅分界線。

如果我吸毒，爸爸媽媽一定會再一次關注我。咁大件事，佢地一定打我鬧我，咁我又可以再留喺佢地嘅視線入面。

當然依啲只係潛意識嘅諗法，大家姐實際上連自己會做壞事係想搏取父母關注都無自覺。





人唔思考，就永遠唔知真正嘅問題出喺邊度。

於是大家姐開始吸毒，而且故意畀父母見到。

但佢地無動於衷，只係放低十張一千蚊紙喺枱面，無嬲、無心痛，無任何情緒波動。

「今個禮拜嘅零用錢。」之後就走咗。

佢地一家人嘅交流，亦得返每個星期交收零用錢嗰十秒鐘。





大家姐又好，佢父母又好，都真真正正對大家死心。

不過，大家姐已經上咗癮。