是咁的，照顧過我嘅護士死咗: 三百四十一、死心
當日大家姐同林林逃學，留咗喺屋企。
「喂，大家好姐妹，同你玩啲新野。」
大家姐同林林食煙飲酒，搞到間屋烏煙瘴氣已經唔係第一日嘅事。
大家姐雖然有錢，但就同屋企關係好差。佢父母生仔唔養仔，以為畀咗錢就已經盡咗父母嘅責任，但喺大家姐眼中佢想要嘅唔係錢，而係關注。
大家姐好細個就明白，曳嗰陣就會得到關注。就算父母只係埋嚟打佢一身都好，只少有一段時間可以留喺爸爸媽媽眼中。
依種曳隨住成長變本加厲，由唔做功課開始，但每隔一段時間，當爸爸媽媽慣咗佢係咁，關注又會消失。
佢只好繼續將自己嘅「曳」升級，打下人、欺凌下、食煙、飲酒⋯⋯
佢好記得兩老見佢食煙嗰日係特別嬲。
「點解你會變成咁⋯⋯」
隨住「曳」嘅程度不斷升級，直到有一日，大家姐嘅父母終於死心。