是咁的，照顧過我嘅護士死咗: 三百四十三、冰

由起初飲咳藥水，到食揈頭丸，白粉，最後係冰毒。試過唔同嘅毒品之後，佢發現最鍾意係冰。

「我仲未介紹其他人食架，同你最老友先同你講先咋。」

大家姐喺袋拎咗一個有啲發黃嘅玻璃樽出嚟。

有啲似小型水煙壺，但上面啡黃色好似生鏽水管嘅污跡令林林一見到已經無乜好感。

「放心，依個我嘅，我買咗個新嘅畀你。」





林林嗰個就係乾淨嘅玻璃樽。

「我依家食煙都無乜感覺，食水煙仲無癮架喎。」

「傻妹，大家姐梗係有正野益你啦。就係知你依家無乜feel先介紹你玩啲正野。」

除咗玻璃樽，大家姐個袋仲有震強兄同假陽具：「食完好爽架，仲舒服過平時搞。」

「咩咁巴閉呀？淫濺不能移？」





大家姐終於喺袋拎咗一細包好似冰糖嘅結晶粉末出嚟。

「依包野叫冰，食完好high架，見你係好姐妹先益你。」