是咁的，照顧過我嘅護士死咗: 三百二十六、棒打出頭鳥
見佢住屯門，我又問佢點解新起嗰間天水圍醫院得急症病房無康復病房。
「你問得真係好，要問局長先知點解！所以咪話政府反知囉，班高官唔諗嘢架嘛，俾人鬧完就起間醫院，但完全冇諗人手安排。醫療政策係要長遠規劃，唔係頭痛醫頭，腳痛醫腳。病人去完急症好多都要住院，天水圍冇病房就會轉介去屯門、博愛依啲邊境醫院，所以佢哋病房越來越爆。」
唔怪得嗰邊起咗醫院但問題都無解決過。
「當然，依啲新聞你唔會喺cctvb睇到，民建聯都只會話你知佢地成功爭取天水圍開急症室。我企出嚟想話畀社會知，話畀政府知，醫療問題唔係淨係得人手問題。」
不過所謂棒打出頭鳥，近排香港都好多品被消失嘅事件，喺已經變咗質嘅香港仲出嚟搞運動，唔驚被政府搞咩？
就算政府唔搞，醫院自己都會內部審查啦。
「係架，咪成日叫我入房傾下。我話，睇症呀，唔得閒。其實有時真係唔諗得咁多。」
黃醫生畀咗枝水我飲。
又夠鐘，所有人大嗌口號：「政府無義氣！護士捱義氣！病人就斷氣！」